Untitled Document

活水基金Facebook

普通話「金錢以外」
「金錢以外」《平衡生活　豐盛人生》
「金錢以外」電台節目  
《平衡生活　豐盛人生》　講者：聖神內更新團體　|　第二十六集：平衡你的個人生活（二）
請等候片刻...
 

如遇問題，請按聯絡我們，讓我們盡快跟進。

J：晚安！大家好！我係Joseph。


E：大家好，我係Elizabeth。


J：好高興收音機旁邊的聽眾繼續收聽『金錢以外』這個節目。呢個星期我地同大家傾下點樣「平衡你的個人生活」。


E：上次我地講到，如果我地無為我地嘅個人生活爭取平衡時，我地嘅生命隨之而來的就是疲累同埋沮喪。


J：或者大家會問，咁我地有無辦法平衡自己嘅生活呢？ Elizabeth呀，我地都係天主教徒，咁耶穌當然就係我地嘅好榜樣啦。


E：聖經路加福音2章52節咁記載耶穌嘅成長：「耶穌在智慧及身量上，並在天主及人前的恩愛上，漸漸地成長。」我地睇到，主耶穌係一個完全平衡嘅人。


J：在聖經描述耶穌嘅成長範疇，亦同我地每一個人一樣，即係在智慧上(即係理性認知方面)、身量上(即係在體格方面)、與天主成長嘅恩愛上(即係靈性上)，同埋在人前嘅恩愛上(即係人際關係)，四個方面都要成長。我地今晚同大家講下，心智思想、體格同埋靈性嘅平衡先啦。


E：好呀。首先講下心智思想嘅平衡啦。現代人嘅學識應該比以前多咗，係咪就代表我地比以前嘅人更明智呢？我就見到時下嘅世代有時都好唔理智，做好多蠢事，人做佢又做。人地包二奶佢又去學人包，人地借錢炒margin，佢又學。為咗有錢著名牌，就去做援交，人地網上盜版佢又跟住做。


J：世俗嘅思想可以用令一個角度去睇喎，就係一啲以牙還牙，有仇必報嘅心態。我地可能睇得電視劇太多啦，以為更害下人先至正常。其實咁樣做人係唔會開心架，個心成日就要算住其他人，放唔低比人傷害過嘅事，好容易會搞到自己精神困擾。


E：聖經羅馬書12章2節提醒我地：「你們不可與此世同化，反而應以更新[‘更’字請讀一音]的心思變化自己。」由於我地嘅思想會直接影響我地嘅生活。我地唔可以隨便跟隨世俗嘅想法去生活，而應該跟從耶穌教嘅真理去生活。試想下，當我地嘅腦裡明白真理，我地就能夠更加自由咁生活啦。


J：天主希望我地平安同喜樂，我地嘅心智思想真係要平衡呀。


E：講到體格嘅平衡呢，好明顯就係要照顧好我地嘅身體啦。明明會傷害身體嘅野就無理由去做啦。好似吸毒「索」K，明知對自己唔好，就不可一，不可再啦。」


J：聖經格林多前書6章19-20節咁講：「你們原是用高價買來的，所以務要用你們的身體光榮天主。意思係我地每個人都可以做一d野對世界有所貢獻，可以用我地嘅嘅身體光榮天主。所以就更加要愛惜身體啦。


E：第三樣要成長嘅，就係靈性嘅平衡。伯多祿後書3章18節咁講：「你們卻要在恩寵及認識我們的主，及救世者耶穌基督上漸漸成長。」我地基督徒會特別注重靈性嘅成長。


J：如果我地嘅心靈得到滋潤，我地就會更有能力去生活啦。Elizabeth呀，你平時點培養你嘅靈性生命呀？


E：我會睇聖經啦，參與彌撒啦，多些祈禱，守齋，參加祈禱會，仲會間唔中去下避靜啦，咁就可以更加親近天主啦！                  


J：今晚時間夠啦，聽晚再傾啦，再見。


E：再見。

  返回目錄