Untitled Document

活水基金Facebook

普通話「金錢以外」
「金錢以外」《平衡生活　豐盛人生》
「金錢以外」電台節目  
《平衡生活　豐盛人生》　講者：聖神內更新團體　|　第二十八集：平衡你的個人生活（四）
請等候片刻...
 

如遇問題，請按聯絡我們，讓我們盡快跟進。

J：大家好，我係聖神內更新團體嘅Joseph。


E：我係Elizabeth，大家好。
之前我哋同大家傾過「個人生活需要平衡，包括心智思想，體格，靈性，情感同人際關係的平衡。


J：今日我哋會同大家講下聖經的一些建議，應該怎樣開始去做，達至生活上嘅平衡。


E：箴言14章8節：「明智人的智慧，在於審察自己的行徑；愚昧人的昏愚，在於自欺欺人。」明智人會思考自己向那個目標走，會審察自己嘅行為同生活。我地當然唔希望自欺欺人，明明成日都係疲累同埋沮喪之中，都話自己好正常啦！

J：所以要達到平衡嘅生活，第一步就係要檢視自己嘅現況，即係反省自己嘅生活。


但是都市人的生活就是太過忙碌，壓力太大，我哋好多時都無留意自己的生活是點樣？而聖經提醒我地，作出檢討係明智之舉。

E：我在想，無人希望到生命盡頭嘅時候，回想自己一生，會同自己講：「如果我無做錯呢樣，無做錯嗰樣就好啦……」。所以，我地要及早停下來，自我檢視一下，自己有甚麼需要改善嘅呢，有邊ｄ野應做未做呢。


J：我想起聖經裡浪子回頭嘅故事，講一位兒子要求父親分一份家產比佢，然後佢就離家出走，荒淫度日，沉迷酒色、吃喝玩樂中。最後花光所有錢，最後淪落到做苦工，加上遇到饑荒，佢連用豬的食物都無得食。聖經講「他反躬自問。」即係佢開始反省，這是浪子生命的轉捩點說。佢明白自己嘅錯，決定回頭改過，返回父親那裡去。


E：我地都好需要及時反省，我地都希望及時發現自己生活已經失去平衡，然後同自己講：「我唔想再係咁樣生活係疲累同埋沮喪之中。我要將我的餘生變得更加豐盛，更加喜樂，我要開始平衡我的生活。」


J：你要問一下自己：「係心智思想平衡方面，我比以前是否更明智？如果唔係，咁係甚麼緣故？我要點樣先至更加理智，唔受世俗嘅想法影響自己？」


E：體格平衡方面又點呢？自己係咪成日都沒精神？經常感到疲乏？我地究竟係有注意飲食？有無做運動？休息同睡眠時間足唔足夠？我是否一名工作狂？


J：係靈性平衡方面，當我遇到困難時，第一個反應是什麼呢？是否擔心焦慮，唔知點算好呢？還是我地心境平靜，因為我地知道慈愛嘅天主時刻保守自己。


E：係情感同人際關係方面，我係咪一個情緒化的人？我是否任由我的情緒操控自己？我是否因小小事就發脾氣？我有無可信賴嘅朋友？我同家人關係好唔好呢？


J：事實上，我們所有人都有盲點。我哋誤以為自己的生活都好平衡。我鼓勵你問一問你的配偶的意見，又可以邀請你嘅家人或者可信賴嘅朋友去講比你，知佢地見到你嘅生命究竟係點嘅。


E：神父經常提醒我地要反省自己，要同天主告罪喎。我覺得呢個係好習慣。


J：我自己就習慣每晚用小小時間唸一唸我當日做過的事，同計劃一吓聽日要做的事。


E：反省完之後，就要有所行動啦。今晚時間夠啦, 聽晚再傾點樣行動可以幫到自己生活平衡ｄ啦，再見。


J ：再見。

  返回目錄