平衡生活　豐盛人生：第二十九集：平衡你的個人生活（五） - 活水基金網站　「你們往普天下去，向一切受造物宣傳福音。」(谷16：15)

「金錢以外」《平衡生活　豐盛人生》

《平衡生活　豐盛人生》　講者：聖神內更新團體　|　第二十九集：平衡你的個人生活（五）

請等候片刻...

如遇問題，請按聯絡我們，讓我們盡快跟進。

E：大家好，我係聖神內更新團體嘅Elizabeth。

J：我係Joseph。

J：呢個星期我地同大家傾下點樣「平衡你的個人生活」。
上次我地講到，如果你想有平衡嘅生活，唔使成日都係疲累同埋沮喪之中，你就需要係各方面都要平衡。

E：生活取得平衡對你來講有好多好處，你會感到更心滿意足，更有自信，感到身體更舒服強壯，有更多力量面對困難。你會更享受生活，你嘅性情會變得更穩定，你會更享受同人地嘅友誼，同埋與家人之間嘅關係。

J：昨晚我地傾過，而第一步要做嘅就係檢視自己嘅生活，了解自己要改變嘅生活習慣。咁跟住要點呀？

E：第二步就係要寫低你嘅行動計劃，然後切實執行啦。平衡係唔會自己出現嘅。你需要刻意去改變自己嘅生活習慣。你要了解自己嘅狀況，定下計劃，明確地講出你將要怎樣去做同目標，付諸實行。

J：厄弗所書5章15節同１６節提醒我地：「你們應細心觀察自己怎樣生活；不要像無知的人，卻要像明智的人。應把握時機。」有目標同計劃，仲有把握時機去做先至得。

E：除咗要把握時機去做之外，仲要有恆心同持續喎。建立習慣係非常重要架，因為我地係「慣性動物」，好容易就會固態復萌，所以，要戒掉壞習慣，就要建立新嘅生活習慣。

J：道理就好簡單，不過就唔係人人都做得到啦。我在醫院工作，見到好多病人，他們都知道好多改善健康嘅方法，好想戒掉一ｄ對身體有害嘅壞習慣，讓自己的身體健康ｄ，不過就係做不到。

E：會唔會係意志力不足呢？坦白講，單靠自己去做，有時都會缺乏意志力架。

J：是呀，所以我哋真是要找幫手啦．你可以同朋友同家人講你嘅計劃，好似戒煙咁，朋友同家人嘅支持好重要。情況嚴重ｄ，就要搵專家幫忙啦，包括上下堂，又或者搵心理輔導同醫生幫忙。有信仰嘅人呢，就可以搵個更勁嘅幫手啦。

E：你係咪講搵天主幫手呀？

J：係呀，Elizabeth，我同你都係天主教徒，都明白自己都有軟弱嘅時候，需要天主幫忙。而且，我地知道如果將天主作為我地生命嘅焦點，我地就會更加容易達至平衡。當你把主耶穌放在你生命的中心，力量便從這處出來，使你有能力去改變，達至平衡。

E：其實耶穌基督好想幫我地生活得更加好。如果有主耶穌幫助，我地就可以從頭再來，有一個新的開始。

J：我身為天主教徒，我覺得我好幸福，在日常生活裡，我會遇到好多困難，但是我不須要獨自承擔，我會祈禱，請天主幫手，特別是我每次參加彌撒，我都感覺到天主比好多恩典同埋力量我，讓我更有能力去應付我嘅工作。

E：各位聽眾朋友，你又是點呢？你地有無覺得生活好疲累，好沮喪，無論你點做都好似唔啱咁？你有無覺得就算你有家人同朋友嘅支持，都改變唔到你失去咗平衡嘅生活？你點解唔試吓搵天主幫手呢？天主可以幫助你去改變！

J：係呀，因為耶穌愛你，佢想去幫你，佢正等待著你去搵佢幫手。

　　今晚時間夠啦，祝你有一個平衡嘅生活啦，再見。

E：再見。