 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
M=May S=Stella J=Jane 第一晚 Ｓ：各位朋友你哋好，我係聖神內更新團體嘅Stella M, J：我係阿May，大家好。係阿Jane，大家好。 Ｓ：係依個星期一連五日，我地會係「金錢以外」呢個節目，同大家講下「美滿溝通」呢個主題，希望大家聽咗後，嘗試去做，你的另一半一定會比以前更更願意同你溝通。希望大家抽時間，同我哋一齊去探討呢個課題。 Ｍ：Stella，點樣能夠同另一半達至美滿的溝通，我真係好想知多Ｄ！但係呢啲技巧係咪只對伴侶啱用呢？ Ｓ：當然唔係啦，改善溝通嘅技巧，其實都適用於其他人，包括我哋嘅仔女、家人，好似父母、兄弟姊妹，甚至朋友同埋同事都得架。 Ｍ：哦，我明白嘞！咁Stella，妳結咗婚咁耐，妳覺得同妳先生溝通得好唔好，佢願唔意願聽妳講嘢？ Ｓ：佢都算幾聽我講嘢嫁。咁妳呢？ M：老實講，我結咗婚18年，越來越覺得同我先生好難溝通。以前拍拖嗰陣，我同佢坐係公園卿卿我我，我講mug嘢, 就算幾無聊，佢都鍾意聽嫁。 J：妳咪好唔開心囉？咁妳平時掂樣同妳先生傾計嫁？我意思係，妳有冇好好同佢坐低咁傾。 S：係呀！真係要坐低傾架。我就習慣每朝都會陪我先生食早餐，因為我發覺依段時間大家感覺很輕鬆，佢會同我講吓佢公司啲嘢，而我都會講吓屋企同仔女發生啲事。 M：吓!抽時間坐低傾，真有Ｄ難喎！妳知我平日幾忙架啦，日頭亞女返咗學，我要打掃屋企、買餸，有時會約吓朋友打波、做健身、仲要上興趣班呢! J：妳覺得咁嘅溝通，滿唔滿意？ M：事實又真係麻麻，有時同佢傾唔到計不特止，我哋仲會無端端嘈起上嚟。 Ｓ：咁會唔會揀同佢傾計的時間唔配合？ M：或者會係啦，我多數同佢傾計的時候，都係做緊家務。 J：咁妳就要留意！我哋從聖經裡訓道篇都知道：「事事有定時和定案」，將道理套入同人溝通咁，要對方聆聽，我哋首先要揀適當的傾談時間。 S：美國哥倫比亞大學都做過一份研究，報告指出大多數激烈的爭拗都會發生喺吃飯之前。[M: 吓!點解呀？] 研究解釋話依個時候一般人的血糖較低，精神又較倦，有mug意見不合，都較容易衝突上來，所以妳要揀啱時間同你先生傾計都好重要。 J：仲有聽妳頭先講，妳同先生拍拖嗰陣，溝通得好好嘅，佢又鍾意聽妳講嘢，其實原因好簡單，就係你哋兩個都願意交出時間比對方，溝通多咗，自然明白對方多Ｄ！ Ｍ：咁又係，好啦，我明白嘞！我會留意吓佢幾時比較得閒，然後安排吓自己的工作，同佢傾吓計先。 Ｓ：係嘞！看準時機，真係事半功倍嫁! J：妳地依番話突然令我想起聖經裡的說話……就係「德訓篇 20: 7 M：要同先生或其他人溝通好，要令人肯聽我講，就要學習忍耐，等待適當的時機同對方傾。多謝妳地比的意見。 Ｓ & J：唔使客氣，今晚時間夠啦，聽晚再同大家分享更多可以做到「與伴侶的美滿溝通」的心得啦，bye bye。 Ｓ,J＆Ｍ：Bye bye。 |
||||
 |
||||
|
||||
網頁比例
訂閱頻道
活水福傳新呈獻