 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
M=May S=Stella J=Jane 第二晚 Ｓ：各位朋友你哋好，我係聖神內更新團體嘅Stella M：我係阿May，大家好。[我係阿Jane，大家好。] 歡迎大家收聽「金錢以外」呢個節目。尋晚我哋就開始咗一個新主題，就係「美滿溝通」，希望大家都可以改善下同伴侶、家人同埋朋友嘅關係。 J：尋晚講到，要同我哋身邊啲人溝通得好，選擇適當的時間係好重要嘅。今晚我哋會繼續同大家探討吓點樣可以令對方願意聽妳講。 Ｍ：依Stella，妳今日好以唔係咁開心嘅？ Ｓ：係呀，妳睇得出。我好煩！我個仔越大越唔聽我話。 J：究竟發生乜嘢事，講嚟聽吓？ Ｓ：係咁嘅，我個仔一向都唔鍾意做功課，次次要我鬧完，佢走入房做，做不夠半個鐘，又借D「倚」(理由)停低唔做，到我再鬧，佢至再入番房做，日日係咁，真係好辛苦！ M：妳有冇好好同佢傾過？ Ｓ：我當然試過，問佢究竟想點？點知佢唔答我不特止，佢仲拉開話題，唔係投訴亞妹呢樣，就講同學gor樣，起初我都會中佢計，之後覺得有唔妥，忍唔住又話佢，始終無辦法同佢講到做功課依嗰問題。 J：妳一開口「問佢究竟想點？」依句說話啲語氣會唔會好似令佢覺得將會比妳鬧咁呀？佢拉開話題，可能唔想比妳鬧。 Ｓ：係咩，我無留意過咁樣會令佢驚咗我播？ Ｍ：要對方聆聽你，就要先想清楚你想表達嘅意思，以免適得其反。 J：咁妳每次想同佢傾做功課啲問題之前，有冇好好構思吓妳想同佢講乜嘢? Ｓ：吓，咁就無，真係冇想過喎。 M：如果預先準備一下會比較好。係聖經有句說話: 箴 16:23：「智慧人的心，使自己的咀靈巧，使自己的唇舌，更具說服力」。 J：要說服個仔好好做功課，妳就要先想吓，希望佢係做功課上有乜嘢地方要改善，構思好嘞再同佢傾。 Ｓ：我梗係想佢每次可以「乖乖咁」做功課。 M：妳心目中點樣先至係「乖」？「乖」，好空泛，佢可能唔明，又或者覺得自己已經好乖。係妳心目中，佢自動自覺做功課就叫好，可能佢認為每次妳叫佢做，佢入房做就已經足夠。 J：所以妳試吓講得明確一D，例如：妳想佢每天幾時做功課？做幾耐可以中途休息？做完功課之後佢可以有甚麼奬賞？好似看電視，玩電腦等…當然要奬佢喜歡嘅嘢。 Ｓ：咁,我梗係想佢每日放學沖完涼立刻做功課，每45分鐘都可以休息吓嘅，做完功課更係可以自由時間啦!我無所謂，最緊要佢願意自己做好功課，等我返來可以檢查，唔使日日返到屋企，要鬧佢至做！我都唔想成日粗聲粗氣咁對佢。 Ｍ：Ｌａ，妳依家咪知道要同佢傾乜嘢囉。 Ｓ：我明嘞，大家相量好，幾時做功課，幾時休息，講出我對佢的要求，可以令佢知道有一個目標，而我亦可以用奬賞黎鼓勵佢改善做功課的習慣。 M：無錯，有咗同妳仔仔傾談的内容同目標，妳就更容易溝通啦，亦減少仔仔拉開話題的機會。 J：如果仔仔說話令妳唔高興，忍耐吓，唔好立即罵佢、批評佢，聽吓佢講，咁就會容易令佢學習聽妳講，跟住妳的要求做嫁嘞。 Ｓ：係播，唔該哂！ M&J：唔使客氣，[J: 唔使客氣] 今晚時間差唔多，聽晚再同大家繼續講吓「美滿溝通」的一Ｄ技巧，bye bye。 J＆S：Bye bye。 |
||||
 |
||||
|
||||
網頁比例
訂閱頻道
活水福傳新呈獻