 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
M=May S=Stella J=Jane 第三晚 M：各位朋友你地好，我係聖神內更新團體嘅 May。 S：我係Stella，大家好。我係Jane，大家好。 M：多謝大家收聽「金錢以外」這個節目，我哋繼續探討「美滿溝通」嘅技巧。 J：先兩日，我稔住襯我丈夫睇足球比賽嗰陣心情好，就分享一吓我在仔女學校做義工帶活動的喜樂同成功感，點知佢回應一句「唔！做還做，最重要先處理好屋企嘅嘢，攪掂啲仔女啲功課。」好似一盤冷水照頭淋，乜興奮啲心情都走哂啦！ M：咁，妳點樣回應他？ J：我咪立刻用背脊「突」住他。我已經好忍讓佢，乜嘢都冇講！佢竟然仲話我無理取鬧。我嬲嬲地反駁佢一句，我係無理取鬧嫁LA！你梗係自私，唔底得我咁開心，有咁多朋友！ M：Jane, 唔少爭執都係源於一d假設同主觀嘅說話，好似「我認為你／我估你／你梗係咁咁咁……」。先入為主的想法會令我們引起爭拗和陷入煩惱。問題係，結婚越耐或同人越熟落，所作的假設就越多。爭拗同誤會自然越多！ S：今晚想同大家分享多兩種溝通嘅技巧。第一「以對方嘅需要作開始」，第二就係「聆聽」。聖經厄弗所書4:29說：「但看事情的需要，說造就人的話，叫聽眾獲得益處」。不論你想和另一半或其他人溝通。若妳以佢哋的需要，例如佢哋需要別人關心啲地方、以佢哋啲目標同興趣作為溝通的開始。 J：想番嗰次同丈夫唔愉快的對話，我真係認為佢冇戥我開心，仲想教訓我。不過，想深一層，依啲都係我啲假設。其實我丈夫一向係個有目標的人，佢咁講都係想提醒我，要先處理好屋企，然後至做外出的事啫。我只不過當時嬲佢冇聆聽我，嬲到冇心機聽他想我掂做。 M：你想通了，真聰明啊！ J：你依家咪說造就我的話，等我開心噃D！不過，我都受落架。咁！我實質上應該怎樣令對方聆聽我呢？ S：未講點樣令妳丈夫聆聽妳之前，我想講吓要同人溝通得好，就需要將我哋的話題同對方關心的事物拉上關係？如果要對方改善，或者解決一啲問題，就要讓佢明白，件事改善後對佢有乜嘢得益？嘗試多以對方啲觀點作出發點。 M：以你和丈夫的對話為例，要配合佢一向的目標，以家庭子女為重。我問你肋？比妳再講一次，如果你又想分享妳真實嘅感受同時又配合佢嘅目標，你會點講呀？ J：唔！我會話我做義工唔單只有好開心好有滿足感，而且以身作則為人服務，仲係子女的好榜樣，參與活動時又可以親子。你d仔女知道媽咪關心學校的事，覺得我好叻，讀書都投入啲。 M：妳丈夫一定好想繼續聽你講多啲。 S：事實上，溝通係雙方的對話。想別人聆聽你，先要表示你樂意聆聽他們的需要。：聖經雅各伯書1:19說：「每人都該敏於聽教，遲於發言」。這句話可為我們解決不少與別人相處的問題。聆聽唔係自然的事，需要我地付出努力。但係我哋往往好自然講多過聽。 J：所以天主賜給我們兩隻耳朵和一個口，唔通就係要我地講少啲，聽多啲？ M：係掛！今晚時間差不多，聽晚我地再講下用乜嘢態度提出意見，先至能夠達到美滿溝通嘅效果啦。拜拜！ S&J：拜拜！ |
||||
 |
||||
|
||||
網頁比例
訂閱頻道
活水福傳新呈獻