Untitled Document

活水基金Facebook

普通話「金錢以外」
「金錢以外」《平衡生活　豐盛人生》
「金錢以外」電台節目  
《平衡生活　豐盛人生》　講者：聖神內更新團體　|　第三十九集：美滿溝通（五）
請等候片刻...
 

如遇問題，請按聯絡我們，讓我們盡快跟進。

M=May　S=Stella　J=Jane

第五晚


J：各位朋友你地好，我係聖神內更新團體嘅Jane。


M&S：我係 Ah May，大家好，[S: 我係 Stella，大家好。]
多謝大家繼續收聽「金錢以外」呢個節目，今晚己經係我哋傾 「美滿溝通」嘅最後一集喎。Stella，不如你同我哋介紹吓今晚我哋講乜嘢吖?


S：好啊，我哋会講埋「美滿溝通」嘅技巧最後兩点，然後總結整個星期嘅重點,你話好唔好呀？


J：好呀!我聽咗禁耐，不如你考吓我地先吖？

S：好，我問你，如果你想你丈夫早啲放工，返屋企陪吓你，你会同佢講ａ）老公，我想你早啲放工，返屋企陪我；還是 ｂ）老公，如果可以嘅話，我想你八点前返到屋企陪我？


M：我唸我應該係揀ｂ）, 因為好似前幾日提過,要知道自己嘅目標，構思過實際嘅內容先開口。


J：我都揀b，比較清楚一d。
S：啱啦，其實以前講過一開始溝通嘅初段，同今日要講同人溝通嘅後段時間嘅方法。其實都幾類似嘅—就係要清楚知道自己同對方想点。當你要將討論嘅問題作總結時，結論一定要雙方都接受、而且清楚明確，否則，可能要無休止咁反覆提出討論。


M：我好同意呀。我識一對夫婦，佢地係一d問題上兜兜轉轉，其中一方認為問題己經解決,但另一方覺得核心問題都未解決，繼續糾纏落去，但人地又不以為意，覺得對方無理取鬧，結果大家都受苦。


J：我記得聖經斐理伯書4：2都有勸我哋話: 「要在主內有同樣的心情」，即係話大家要有共識。


S：我好同意呀，最緊要大家有共識。呀May呀，咁你對夫婦朋友點解唔傾清楚呢？

M：唔得呀！佢哋每次討論都会有好多爭拗，未達到共識已經傷害咗對方，重試過話要離婚添。


S：咁，你就提醒你朋友留意呢一点，討論到咗尾聲，点樣結束係十分重要嘅，亦係我哋呢個主題「美滿溝通」嘅最後一点: 就係用鼓勵嘅說話作結束。


J：係呀！聖經箴言 12:25話:「良言使人心快活」嘛。


M：就算經過幾激烈嘅爭辯，都要咁做？


S：係呀！用積極嘅說話做結束尤其重要添呀！無論經過幾激烈嘅爭辯，就算大家好嬲對方，甚至未能達到共識，都要同對方正面咁結束一段討論。


M：我好想知要點做呀！


S：有幾樣野要記住。第一，要同對方講你愛佢，正所謂愛之深責之切，出現少少爭拗都唔會否定大家之間嘅愛; 第二，你要講比對方知，你尊重同佢嘅關係，会努力維繫呢段婚姻同關係;


J：仲有第三點，就係即使雙方未達成共識，你都要表示，對問題最終可以解決仍然好樂觀。


M：話,都唔易噃。


S：但係值得架。只要你認真地試過一次，你就知道呢啲方法嘅價值!


J：不如我地總結吓整個星期講嘅重点吖？


M：好呀, 要有美滿嘅溝通，你就要做到以下7點:
1. 要選擇適當嘅時間
S：2. 要構思你講話的內容


J：3. 要以對方嘅需要作出發點


M：4. 要先聆聽,唔好胡亂作出假設


S：5. 要以温和、正面嘅態度講說問題，積極尋求解決方法


J：6. 要講清楚你們嘅結論，最好可以達成共識


M：最後7. 要以鼓勵同愛嘅說話結束。簡單嚟講就係以尊重，同愛嘅精神處理與對方嘅溝通。係唔係呀？


S&J：係呀，大家不妨試吓!


M：祝福大家，拜拜!


S&J：拜拜!

  返回目錄