 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
A=Andrea M=Ming 第一晚 A ：大家好！我哋是來自聖神內更新團體的會員。我是Andrea。 M：我是Ming。 A：歡迎大家收聽「金錢以外」這個節目。今個星期我哋揀左『孝敬父母』做主題，同大家傾下。 M：孝敬父母？不係應該的咩？ A：孝敬父母係我地中國人的文化！我地中國人有句話叫做「百行以孝為先」。不過現實生活中就唔係個個都做到「孝」嘅境界。就連好多有信仰嘅人都未必做得好。 M：做唔到真心孝敬父母係有好多原因，有可能只係唔知點做，因為無人教，現今學校著重術科，倫理道德教育較為忽視。而且都市人多以自我為中心，對於點樣同人相處，特別是同父母相處就唔多識啦! A：重有可能係我地同父母之間嘅傷痕未處理好，可能上一代學識唔多，管教仔女嘅方法未必好，仲有一啲狠心嘅父母，點樣孝順佢地呀。 M：大家唔可能立即可以解決所有問題，不過就希望大家思考一下點解天主想我地孝順父母，同埋可以點樣做。又或者我地身為父母嘅，都要反省一下我地又係咪做得好，唔應該只係責備下一代唔孝順。 A：呀Ming，我地都係天主教徒，自細就有學『十誡』。天主叫我哋孝敬父母，而且定為誡命要去遵守，點解呢？ M：Andrea，天主頒布誡命叫我地遵從是為我地好，希望我地可以好好生活，唔好犯罪。『孝敬父母』這條誡命當然都係為我地有益啦。家庭對我地嘅身心發展好重要。沒好嘅家庭教育，將來長大之後，在出來社會工作，必定遇到很多困難。 A：係呀！如果細個唔學好尊重別人，聽命服從，尊敬長輩，將來係學校同踏入社會做事都必定會遇到好多衝突。天主想我地從家庭開始，去學習尊重權威，服從而且守規矩，有秩序。而且尊重父母、尊敬長輩是美德。 M：好似細個父母就教我地見到長輩都要叫人嘅，就算你幾唔鍾意那個長輩都要叫，無得揀。將來係學校見到老師，都要叫老師早晨、老師再見。我地就要學尊重對方嘅權威同埋身份。 A：當然我地尊敬對方可能只係因應學校嘅規則，但係我地正在學習尊重佢的身份和角色。天主要我哋從小開始要學習尊重權威。而衪將管治權威放在父母身上。 M：不過無人係完美嘅，人有弱點，會受誘惑，有時會做錯野，有缺失，又會有自相矛盾的時候。父母都一樣，有時會唔講道理，有佢講，無你講。 A：人性本來就係咁。而且有好多父母的確做咗好多唔好嘅野，就好似係疏忽照顧仔女，辱罵佢地，又或者擺佈佢地。這些父母確實不配受尊敬。這些行為對仔女做成傷害，影響佢哋嘅成長。好多時，我地現在對人嘅行為同反應，就好似細個嘅時侯父母對待我地一樣。 M：傷害需要醫治，心靈上嘅傷害一樣要醫治。有朝一日我地要學識理解父母嘅有限，寬恕佢地對我地嘅傷害。而天主，仍然要我地孝敬父母。 A：聖經出谷紀第20章12節中咁講：「應孝敬你的父親和你的母親，好使你在上主你的天主賜給你的地方，延年益壽。」或者孝敬父母係可以比我地真正心靈平安同喜樂，使我地身體健康，延年益壽。天主會祝福我地架。 M：時間差唔多啦，明晚再傾。 A：多謝你地收聽！晚安！ M：晚安！ |
||||
 |
||||
|
||||
網頁比例
訂閱頻道
活水福傳新呈獻