 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
A=Andrea M=Ming 第二晚 M：大家好！我是聖神內更新團體的Ming。 A：大家好！我係Andrea。 M：歡迎收音機旁邊的聽眾繼續收聽『金錢以外』這個節目。 A：昨晚我地開始了一個新主題，就係『孝敬父母』。昨晚我地講咗天主要我地遵守『孝敬父母』這個誡命係為我地嘅好處。天主要我地從小就在家庭中學習敬重權威，孝順父母，天主將管治權威放在父母身上，要我哋服從尊敬父母，為我地嘅身心發展，做人處事好有幫助。即使父母可能並唔完美，我地都要學習尊敬孝順佢地。 M：孝敬父母是美德！我地中國人有句話「百行以孝為先」。而且天主都會祝福孝順父母嘅人。 A：係呀！我地嘅成長會經歷唔同階段，都有唔同的方式去孝敬父母。孩童時代就比較簡單啲，聽話就得啦。 M：仔女細個好多野都唔識，父母比較容易管教。身為仔女聽大人教好合理。聖經在厄弗所書第6章1節都係咁講：「你們作子女的，要在主內聽從你們的父母，因為這是理所當然的。」所以，仔女係年幼嘅時侯要聽從父母的話，要依從佢地的吩咐去做，就已經係盡孝道啦。 A：Ming，我知你係三位小朋友的父親呀！講下你嘅經驗吖？ M：我想…身為父親，由仔女出世個一刻開始，就會擔心佢地有無病痛，擔心佢地可唔可以養得大，擔心佢地係唔係唔夠營養，擔心佢地瞓覺有無「負」披，發出小小聲，就會起身看吓係唔係比被焗親。負任上，要為仔女提供衣、食、住、行嘅供應，供書教學等等。仔女大d嘅時候就擔心佢地學業，交朋結友。將來再大d，就擔心佢地嘅工作順唔順利，壓力大唔大，以後就係誓心佢地有無能力成家立室，係咪有個好伴侶，再為人父母點教仔女…。總之就係「心機一籬籬，擔心就一擔擔」啦！ A：出錢出力唔在講，又要勞心勞力。做人父母真係唔容易。聖經德訓篇第42章9節中咁講：「女兒雖不知，却使父親不寐，因為掛慮她，而不能安眠，怕她誤了青春的年華，又怕她結婚之後，為丈夫所憎惡；」可以看到，父母係無時無刻都擔心佢地嘅兒女。 M：不過，最緊要就係佢地聽教聽話。做父母嘅心情其實好簡單，仔女聽聽話話就好。 A：聖經都有講，厄弗所書第6章1節話：「你們作子女的，要在主內聽從你們的父母，因為這是理所當然的。」所以話，作仔女嘅，特別係細個嘅時候，聽話就係孝順。 M：係呀！如果仔女聽話，就算日間工作幾辛苦，當放工返屋企見到佢地時，就咩煩惱都無啦！特別係我地工作得好累嘅時候，一想起佢地就開心，咩煩惱都無晒，仲可以提升工作能力添。 M：咁係青少年期嘅朋友要點做呢？明晚傾啦! A：多謝你地收聽！晚安！ M：晚安！ |
||||
 |
||||
|
||||
網頁比例
訂閱頻道
活水福傳新呈獻