 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
A=Andrea M=Ming 第三晚 A：大家好！我是聖神內更新團體的Andrea。 M：大家好！我是Ming。 A：好高興收音機旁邊的聽眾繼續收聽『金錢以外』這個節目。 M：過去兩晚，我地開始了一個新主題，就係『孝敬父母』。天主要我地遵守『孝敬父母』這個誡命天主要我地從小就學習敬重權威，孝順父母，係為我地嘅好處，對我地嘅身心發展好有幫助。即使父母可能並唔完美，我地都要學習尊敬孝順佢地。 A：我地細個嘅時候要父母照顧同教導，是天主給父母的責任。身為仔女，要聽從父母的話，以服從和尊重來表達「孝敬父母」，亦係我地嘅本份。不過，當我地踏入青少年階段，因為發育時期嘅生理同埋心理變化，加上我地開始建立我地嘅過性同主見，漸漸覺得父母尊制，內心會有埋怨，唔願意服從，越來越反判，同父母對抗。 M：係呀！父母有時未必意識到，對待青少年階段嘅仔女要用唔同嘅方法，如果仍舊用以前嘅權威方式相處，好易有衝突。 A：Ming，你有無同你嘅父母頂咀？ M：當然有呀？ A：記唔記得幾時開始呀？ M：唔•••大約係我初中嘅時候啦！我初中前係同爺爺嫲嫲住，初中之後先至同父母住。之後，生活上，有些唔適應，經常同爸爸頂咀。 A：点解呢？ M：係因為我好多時見到爸爸做咗有的唔對嘅嘢，而佢覺得無嘢。但當我做錯嘢嘅時候，就比佢鬧到狗血淋頭。咪同佢頂過攞。 A：我都有咁嘅經驗，不過，我爸爸只係鬧吓就算。無咁利害！ 不過青少年朋友好容易將唔開心嘅經驗收埋，我有個朋友，佢細個嘅時候成日比父母打鬧，佢到40幾歲先至講翻出嚟，原來佢一直都憤憤不平，一直好唔開心。 M：但係天主原意唔係想我地有唔開心嘅家庭經驗，相反，聖經申命紀26章11節講，天主期望我地可以「歡樂享受上主你的天主賜與你和家庭的一切福份。」所以我地要學習好好同我地嘅父母相處。 A：身為父母嘅，要明白仔女已經長大，多理解他們嘅想法同感受。作為子女嘅，仍然要學習孝敬父母。 M：有幾樣野青少年朋友要明白。第一樣就係意識到天主藉著你嘅父母，將你帶到世上，無論你父母是有錢人或者係窮人、係天才或者唔係︰你係無得揀。而且父母同子女嘅生命，係互相緊扣著的，父母嘅生命影響仔女，仔女嘅生命何嘗唔係影響緊父母？ A：第二樣就係要聆聽父母嘅勸導，即使你自覺已經長大，也不要輕視父母。聖經在箴言第23章22節中咁話：「對生養你的父親，應當聽從；對你年邁的母親，不可輕視。」亦即係話，我地要禮貌聆聽父母的說話，唔好充耳不聞。 M：第三樣就係接受父母會犯錯、逃避問題、總有美中不足之處。要接受佢地的弱點，絕對唔應該辱罵父母。因為聖經在箴言第20章20節講：「凡是辱罵自己父母的人，他的燈必在幽暗中熄滅。」 A：大家住埋一起，磨擦一定有，受傷害的機會自然好大。所以我地要學習包容同寬恕。最後，我地要識得欣賞父母嘅辛勞付出，同埋因為養育子女所作嘅犧牲。 M：非常同意! 好啦，時間差唔多啦，明晚見。晚安！ A：晚安！ |
||||
 |
||||
|
||||
網頁比例
訂閱頻道
活水福傳新呈獻