 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
A=Andrea M=Ming 第四晚 A：大家好！我是聖神內更新團體的Andrea。 M：大家好！我是Ming。 A：過去三晚，我地係『金錢以外』這個節目中，開始了一個新主題，就係『孝敬父母』。天主要我地遵守『孝敬父母』這個誡命天主要我地從小就學習敬重權威，孝順父母，係為我地嘅好處，對我地嘅身心發展好有幫助。即使父母可能並唔完美，我地都要學習尊敬孝順佢地。 M：昨晚我地講到要識得欣賞父母嘅辛勞付出，同埋因為養育子女所作嘅犧牲。 M：無錯呀！好似我咁。我媽咪生左我地八兄弟姊妹。而我又係三個子女的父親，我體會到我太太的辛勞。再加上佢曾經小產過幾次，實在係要感謝佢的辛勞，同付出。 A：母愛真係偉大。 M：父親同樣都好偉大呀。要照顧家庭，賺錢養家。唔係因為我係人地的父親，我先咁講。現在做左人爸爸，先體會自己父母以往為我地付出嘅辛勞。 A：係呀！点呀？同我地分享一吓呀？ M：我有八兄弟姊妹，由細到大，我爸爸好少同我地講嘢，佢好容易發脾氣，所以，我地都好怕佢。因為佢經常無故發脾氣，以致我地對佢有的埋怨。我好少同佢講話，每日我只係同佢講三句說話。就係「阿爸我返黎啦！」，「阿爸食飯啦！」，同埋「阿爸我走啦！」 A：咁好慘呀！之後点呀？ M：係我認識天主之後，我的信仰讓我嘅眼開咗。讓我認識自己以往用自己立場看事，無用同理心。我漸漸認識到我以前對爸爸的態度是錯嘅。因此，讓我有能力同我爸爸和好。 A：恭喜你呀Ming！ M：係呀！感謝主，讚美主。係信仰讓我眼開。以前我真係好似盲咗，睇唔到我爸爸其實係一位好偉大的父親，佢好叻。佢一個人要養全家之外，還要養埋叔伯、姑姐，加埋差唔多十幾二十人，佢好努力膁錢，我爸爸嘅擔子實在好大。 A：你爸爸好本事呀。 M：我亦睇到我爸爸工作壓力好大，但又得唔到爺爺嘅認同。我爸爸所付出嘅，我爺爺從來無讚過，只是識得彈，令我爸爸好挫敗同咀喪，所以，佢不自覺將以前爺爺嘅方法用係我地身上。我開始明白佢，而且原諒咗佢，我同爸爸嘅關係唔同哂。 A：我都鼓勵大家用欣賞嘅眼光去欣賞父母的辛勞付出，欣賞佢地的犧牲。事實上，養兒育女真係好艱辛同埋昂貴，係一個需要大量時間同體力嘅使命。如果話我地忍受父母，到不如話佢地忍受我地。如果佢地唔需要承擔對我地嘅責任，佢地嘅生活可自由得多，可以輕鬆得多。 M：所以當父母年紀老邁，我地好應該盡本份照顧佢地。聖經弟茂德前書5章8節提醒我地：「如有人不照顧自己的戚族，尤其不照顧自己的家人，即是背棄信德，比不信的人更壞。」 A：照顧父母，責無旁貸呀! M：係呀！好啦！今晚時間差唔多，明晚見。晚安！ A：明晚見。晚安！ |
||||
 |
||||
|
||||
網頁比例
訂閱頻道
活水福傳新呈獻