 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
A=Andrea M=Ming 第五晚 A：大家好！我是聖神內更新團體的Andrea。 M：大家好！我Ming。 A：好高興收音機旁邊的聽眾繼續收聽『金錢以外』這個節目。今晚是一連五晚有關於『孝敬父母』題目的最後一晚。 M：Andrea呀！總結過去四晚，我地探討過天主要我地遵守『孝敬父母』這個誡命天主要我地從小就學習敬重權威，孝順父母，係為我地嘅好處，對我地嘅身心發展好有幫助。即使父母可能並唔完美，我地都要學習尊敬孝順佢地。 A：天主係希望我地有開心嘅家庭經驗，聖經申命紀26章11節講，天主期望我地可以「歡樂享受上主你的天主賜與你和家庭的一切福份。」所以我地要學習好好同我地嘅父母相處。 M：其實，大家住在同一屋簷，磨擦是難免。只要懐有包容的心，把大事化小，小事化無。有咩唔滿意，不防平心靜氣講出來。若果，為自己的問題而埋怨家人，你的家人定會因你的憤恨而受傷，不但止，你自己亦會因此受傷。 A：我地要識得欣賞父母嘅辛勞付出，同埋因為養育子女所作嘅犧牲。我地年幼時，需要父母養育，照顧，淸潔我地的身體。而當佢地年紀漸大，記憶力差，失去工作能力，做子女嘅係責無旁貸，需要照顧翻年長嘅父母親。到頭來，父母需要我地餵餔同照顧，清潔身體，同埋保護。 M：天主要我地孝敬父母。聖經紀載耶穌被釘在十字架上，為救贖世人的罪，臨死時仍無忘記照顧年老的母親瑪利亞。 A：係呀！耶穌在痛苦中，講左最後七件事，其中一件，就是向門徒若望話：「這是你的母親。」耶穌在為世人而死，臨死時依然無忘記開始年老的母親瑪利亞，並囑咐門徒若望照顧她。 A：Ming，你係三個仔女的爸爸，我知道你的仔女好敬重你，可唔可以同我地分享吓，作為父母嘅，要怎樣做才得兒女嘅敬重？ M：我唔敢話我做咗的咩嘢。我認為做父母嘅必須要盡左做父母嘅責任；包括提供基本嘅，就係衣、食、住、行。另外，係供書教學，同埋管教。但係，管教要有方法，當中最重要是要有「愛」。教養下一代，當中排除唔到要規範同訓誡，但係就千萬唔好挫敗佢地嘅自尊心，令佢地反感。 A：係呀！聖經在厄弗所書6章4節「你們作父母的，不要惹你們的子女發怒；但要用主的規範和訓誡，教養他們。」就是用愛去管教他們。 M：愛佢地唔係要寵壞佢地，唔係要放任佢地。要佢地知道，不服從會帶來痛苦，相反，服從會帶來自由。 A：服從會帶來自由？ M：係呀！服從會使我地更有責任心，更易獲得別人信任同尊重。一個守規矩，生命有秩序嘅人，就更有能力克服誘惑，更加自由同喜樂地生活。 A：Ming，我地講「孝敬父母」時間又差唔多啦，希望大家記住天主嘅誡命，趁還有時間和機會，做我地應該做的事。唔好等到父母唔在生的時候，要想照顧都無機會，到時做咩都無用。中國人有句話就係：「樹欲靜而風不息，子欲養而親不在」。 M：係呀！孝敬父母係無時間同年齡限制嘅。各位聽眾，唔好等啦！ A：好啦！時間到，多謝各位嘅收聽。晚安。再見。 M：各位聽眾。晚安。再見。 |
||||
 |
||||
|
||||
網頁比例
訂閱頻道
活水福傳新呈獻