 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
| 如欲收聽更多，請按此登入。 | ||||
 |
||||
C – Charlotte D - Dianna 第一晚 C：各位朋友你地好，我係聖神內更新團體嘅Charlotte。 D：我係Diana，大家好。 C：呢個星期，我地會同大家講一個主題，叫做「怎樣引發出別人的優點」。 D：引發別人的優點是好有用架，無論你係父母或者係上司都可以運用當中的原則，用於建立團隊都合用。 C：新約聖經裡面，得撒洛尼前書5章11節咁講：「你們應互相安慰，彼此建樹，就如你們所行的。」天主係想人人和睦共處，咁就會有更溫暖和諧嘅家庭同社會，倫理道德問題亦會少好多，世界就更和平。 D：其實要引發出別人的優點係有6個原則，今晚同大家傾下第一個原則，就係接納別人的獨特性。 C：天主做我地每個人都唔同，都有佢獨特的地方。 就算係孿生兒都有分別。所以，每個人都有自己的獨特性。唔好將自己同任何人比。 D：不過，話時話，現今社會，唔同人比較真係幾難做到，我地生活在一個「比較文化」裡面。幾乎每件事，人人都會比較：好似你的工作、收入、住屋大小、汔車型號、服飾、學歷等。我地真係不斷咁同人比，不斷在競爭。 C：係架！我以前都好容易犯呢個錯。 不過當我認識天主之後，我便開始將比較變為感恩。 D：好！我都要學用感恩來代替比較。 但係大多數父母都好重視孩子的IQ夠不夠高，學業成績好不好。 你點睇呢？ C：世上重有其他成功指標，好似出色的運動員，要睇你身體各個部份、關節、肌肉的活動係咪非常協調。另外，藝術家就只看你是否好有藝術感，又有空間感，可以隨時隨地畫出美麗的圖畫出來。 D：所以成功的定義不在乎學歷而是你怎樣面對生活的挑戰和困難，所謂天生我才必有用呀。即使係一個領袖，他都不會樣樣精通。 唔好再比較啦，接納自己嘅獨特地方，然後欣賞你身邊的人的獨特之處。 D：Charlotte，其實你係媽媽，你又點樣發掘你子女的獨特性呢? C：我有3個仔女。分別係20歲、18歲和10歲。他們的個性和喜好都不同。要平時細心觀察，去了解他們的長處。 好似我的大女咁，自細就熱愛畫畫同美術創作，早在中三開始，她就決定自己要在藝術方面發展，於是我就接納她的要求，支持佢，鼓勵佢，令佢可以達成理想。 D：你無強迫她讀書嗎？ C：有架，不過迫唔到架。 好似你叫同事做事一樣，他無心幫你，你係無可奈何！ 唯有打動他的心，讓他自發去做。 D：你真係好開明？ 收音機的聽眾你有冇同感呢？ C：係呀，做人父母又好，做人上司都好，都要學在適當既時候放手。 幫助別人找出他的喜好和專長，用心栽培他的興趣，使他擁有自己的理想和夢想，從旁引導他們，先至算盡咗我們作為父母或者上司的責任。 D：其實做父母都只不過係管理人，我相信天主才是擁有者，咁樣就會輕鬆好多。 C：舊約聖經在箴言22章6節咁講：「你教導孩童應行的道路，待他老年時也不會離棄。」我的體會是：「教導你的兒女去發揮佢個人的特色」，而「應走的道路」在希伯來文解作「他的天賦」：即他的恩賜、才能、他精通的事。記住，做父母千萬唔好迫仔女變成自己嘅翻版。要讓他們活出自己的真我！ C：今晚時間夠啦，聽晚再傾啦，再見。 D：再見。 |
||||
 |
||||
|
||||
網頁比例
訂閱頻道
活水福傳新呈獻