 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
C – Charlotte D - Dianna 第二晚 C：晚安！大家好！我係 Charlotte。 D：大家好，我係 Diana。 C：好高興收音機旁邊的你繼續收聽『金錢以外』這個節目。呢個星期我地會繼續同大家傾下點樣「引發別人的優點」。 D：上次我地講到要引發別人的優點，係有6個原則。我地已經講左第1個原則，就係：接納別人的獨特性。今日我地會分享一下第2個原則，就係信任別人，委以責任。 C：委以責任，比起其他方法更能將人的強項引發出來。你把責任委托給他們，代表你信任他們。 D：我們教導子女，其中一個最重要的事，就是要培養他們的責任心。路加福音16章10及12節：「在小事上忠信的，在大事上也忠信……如果你們在別人的財物上不忠信，誰還把屬於你們的交給你們呢？」可惜現今社會，充斥著太多不負責任的人。 C：都市的小朋友過份受保護。有工人照顧，有家長保護，從來都不需要學負責任。其實家長應在小朋友自細逐漸培養他們的責任心，比佢地承擔一些應盡的責任，例如換衣服、做功課等份內事。 D：我好同意呀。我地過份保護我們的孩子，其實是對佢話：「你係唔得既，我對你冇信心。我唔信任你，所以要由我去控制你。」 C：要培養佢地的責任心，就要先相信佢地。不過，話雖如此，如果將責任交比佢地，佢地係會有機會犯錯喎。 D：人無十全十美，大人都會犯錯啦。子女犯錯，我地當然會接納他們，就好似天父接納我地一樣。但長遠來說，信任他們，交個責任比佢地，對他們的情緒、精神及靈性的健康更加有益。 C：我好同意，當子女慢慢長大，父母就應該逐漸將責任交比佢地。咁樣，佢地先會學到要承擔責任。 D：願意承擔同埋有責任感的人，做事才容易成功。而且責任感會產生成功感和滿足感。 C：就好似最近我家傭放假，我個大女負責買菜煮飯，個仔負責執拾打掃，細女負責洗碗，各盡其職，雖然過程中都有甩漏，但就好溫馨，家庭突然變得更團結和諧。 D：Charlotte，其實你係媽媽又係別人的上司，你怎樣委派任務比下屬呢? C：我覺得最緊要善用人才，發揮佢地的專長！而作為同事，我要知道佢地的能力，委托責任，下放權力。好似我有一位同事，她計數好仔細、好善長電腦Excel軟件，於是我便將公司盤數交給她處理。由於她感覺到被信任和重視，她努力把公司的賬目打理得井井有條，更主動努力承擔超越她範疇的工作。 她個人有滿足感之餘，工作更成為她的樂趣。最後她還被升職。 D：聽你咁講，我都要諗下點樣好好發揮我丈夫的專長！ C：我地都係天主教徒，聖經若望福音20章21節耶穌委派佢嘅門徒去傳福音，耶穌對門徒講：「……就如天父派遣了我，我也同樣派遣你們。」你諗下，當時嘅門徒好多只不過係漁夫，但耶穌仍然信任和委派他們。今日的教會已經超過2,000年，基督信徒的數目仍然不斷增加，除咗因為有天主嘅祝福，都係因為耶穌要我地承擔傳教責任開始架。 D：各位朋友，你地都要效法耶穌，學習信任人。身為父母，唔好過份保護子女。試下估計佢地可以承擔幾多責任，然後交俾佢地做啦。 C：今晚時間夠啦，聽晚我地再傾啦，再見。 D：再見。 |
||||
 |
||||
|
||||
網頁比例
訂閱頻道
活水福傳新呈獻