平衡生活　豐盛人生：第四十七集：引發別人的優點（三） - 活水基金網站　「你們往普天下去，向一切受造物宣傳福音。」(谷16：15)

「金錢以外」《平衡生活　豐盛人生》

《平衡生活　豐盛人生》　講者：聖神內更新團體　|　第四十七集：引發別人的優點（三）

請等候片刻...

如遇問題，請按聯絡我們，讓我們盡快跟進。

C – Charlotte　 D - Dianna

第三晚

C：大家好！又係我 Charlotte。

D：大家好，我係 Diana。

C：好高興你地繼續收聽『金錢以外』呢個節目。前兩晚我地講左引發別人優點既兩個原則，就是接納別人的獨特性和信任他們，委以責任。

D：今晚我地會繼續同大家傾下另外兩個原則，就是對人有正面期望，同埋肯定別人的價值。

C：講吓對人有正面期望這原則先啦。唔知你地有冇試過放手讓你的仔女或同事承擔責任，引發出他們的自發性和積極性；如果有的話，你唸你一定會發現佢地嘅自心信增強左，同埋開心多左。

D
：很多時，我地作為父母未必會意識到，我們對別人有無期望，是造成對方成功或失敗的因素。

C：係呀，你的期望對其他人係有深遠的影響，因為心理上人希望達到別人對他們所期望的水準。

D：係就係，但係我最怕別人對我有期望，怕自己一旦失敗，會令人失望。

C：我都係好怕令別人失望。但係，我又好明白，有期望先至會有目標，有目標先至會有進步。

D：咁又係喎！

C：所以，我們都係要對人和對自己有期望，重要期望做到最好潻。我這幾年負責開發一個寧養服務的院舍，體會到生命長短不是由我們決定，一切有主宰。所以要把握時機，盡早將事情做好。

D：係呀！所以大家要訂立目標，珍惜機會，盡力做好每一件事情。

C：講番期望，其實期望同信任都是息息相關。好似你信任人你才會對他有期望。

D：都係架！我都寧願被人信任，當我能夠完成別人期望我做到的工作時，我就好有滿足感，連自信心都番哂黎。

C：冇錯。其實，你想那人變成點，你就當佢已經係那樣的人一樣看待。就好似我成日同我的同事講，我好欣賞他們的工作，我為佢地感到自豪時，他們就會真係做到，令我覺得自豪。我地要經常比人正面期望的力量。

D ：Charlotte，咁你怎樣期望你的子女架?

C ：我會對佢地講明我的期望架。例如我的細女，今年10歲，她很活潑，但不太懂負責任。於是，我便對佢講清楚，我想她學識，要完成功課和自己溫書，同時我相信她是做得到的。即使最初都會有失手，但係而家佢已經唔駛我操心了。

D：好啦。不如我地講下第4個原則，就係肯定別人的價值吖？

C：好呀！

D：其實肯定別人就係要讓別人感受到被重視。好似當當我探望病人時，會望住佢地，專心聽佢講野。佢地會覺得受重視，就會不期然向我講心事。

C：我地仲可以用身體語言或者行動表示「你愛鍚對方」。新約聖經羅馬書12章10節說：「論兄弟之愛，要彼此相親相愛；論尊敬，要彼此爭先。」如果你愛一個人，就會以行動來表示。好似我每日放工回家，我個細女都會飛撲埋黎擁抱我一下。

D：有時我都會攬吓我先生，咁做的確可以增進感情，讓人覺得被關愛。

C：仲有一個方法，就係感謝對方，表示對佢嘅欣賞。對方可以得到好大鼓勵，而佢地會有更大的動力再做好D。

D：係呀，當別人因為我所做的事，讚賞我，或者多謝我，我真係會好開心，有時重好感動，好鼓舞，令我願意繼續努力！

C：收音機旁的你，有冇試過呀？你不妨多D攬下你的家人啦。

D：同埋多D贊賞同多謝身邊的人！今晚時間夠啦，聽晚再傾啦，再見。

C：再見。