平衡生活　豐盛人生：第四十八集：引發別人的優點（四） - 活水基金網站　「你們往普天下去，向一切受造物宣傳福音。」(谷16：15)

「金錢以外」《平衡生活　豐盛人生》

《平衡生活　豐盛人生》　講者：聖神內更新團體　|　第四十八集：引發別人的優點（四）

請等候片刻...

如遇問題，請按聯絡我們，讓我們盡快跟進。

C – Charlotte　 D - Dianna

第四晚

C：大家好！又係我 Charlotte。

D：大家好，我係 Diana。

C：好高興你地繼續收聽『金錢以外』呢個節目。今晚我地會繼續同大家講下點樣「引發別人的優點」。

D：前幾晚我地講左引發別人的優點既4個原則。包括：接納別人的獨特性；信任他們，委以責任；對別人要有正面的期望；和肯定別人的價值。

C：你地有冇嘗試去引發別人的優點呀？有冇發現原來當你認真留意一個人的時候，你會發現他的長處；而當你讚賞佢，佢就會做得越做越起勁。而願意讚人和感謝別人，會令你變得更加大方美麗。

D：不如今晚我地同大家傾吓引發別人的優點既第5個原則吖，就是糾正人而不貶低人。

C：好呀。Diana，你覺得人係咪需要被糾正呢？

D：我覺得人人都會跌倒犯錯，都需要被人糾正。如果你愛一個人，為對方好，你都會希望糾正佢嘅錯誤。新約聖經在希伯來書12章6節說：「因為上主懲戒他所愛的……」尤其對仔女，為佢地好一定要教好佢地。

C：舊約聖經箴言13章24節：「不肯使用棍杖的人，實是恨自己的兒子；真愛兒子的人，必時加以懲罰。」因為這是他們成長所需要的。

D：箴言19章18節又話：「尚有希望時，應處罰兒子；但不可存心置他於死地。」如果我們不及早管教我的兒女，我們好易會毀掉他們的一生。但教還教，處罰還處罰，方法都要正確喎。

C：Diana，你有冇被人糾正嘅經驗呢？你嘅感受又係點嘅呢？

D：老實講，被人話就當然會唔開心啦。尤其是有人係其他人面前數我的錯處，我更加覺得唔舒服，有時自己根本聽唔入耳，唔服氣。通常我都唔肯認錯，好想為自己辯護。

C：呢D都係正常反應！不過，新約聖經厄弗所書4章29節提醒我地：「一切壞話都不可出於你們的口；但看事情的需要，說造就人的話，叫聽眾獲得益處。」即係糾正人都要有技巧架。

D：Charlotte，咁你及點管教你的子女架?

C：我時常引用舊約聖經德訓篇的教導，向我的兒女說：在你們未成年以前，媽媽係有責任管教你們應行走的路，免得你們誤入岐途。到你們成年以後，就要自己承擔責任啦。

D：咁如果真係激怒你時，你會點做？

C：當我的小孩在人前犯錯，我總會忍耐一下，唔想在他的朋友面前罵他。回家後，才教訓他們，必要時都要帶他們走到洗手間內教訓，目的係唔想傷害佢的自尊心，我唔想激怒子女，唔係佢地只會更加反叛。

D：好多父母都無耐性，好容易會發哂火鬧仔女，似乎唔係好辦法。

C：我發覺：在憤怒時管教兒女，往往更令仔女憤怒及討厭。我不想讓自己在發脾氣時，糾正仔女，因為我唔想散播反叛的種子。

D：係呀。新約聖經中厄弗所書6章4節都有提醒我地：「你們作父母的，不要惹你們的子女發怒。」當你在憤怒時管教兒女，結果就係令他們更加憤怒，唔肯聽你話。

C：係呀，仲要記得唔好講壞話，包括傷害自尊心，同埋諷刺嘅說話。身為父母、主管或者長輩，千萬不要靠壓制、憤怒來達到你糾正人嘅目的，你只會摧毀你和子女或者下屬的關係，咁樣就唔好啦！

D：記住說造就人的話，叫聽眾獲得益處呀！

C ：今晚時間夠啦，聽晚再傾啦，再見。

D：再見。