平衡生活　豐盛人生：第四十九集：引發別人的優點（五） - 活水基金網站　「你們往普天下去，向一切受造物宣傳福音。」(谷16：15)

「金錢以外」《平衡生活　豐盛人生》

《平衡生活　豐盛人生》　講者：聖神內更新團體　|　第四十九集：引發別人的優點（五）

請等候片刻...

如遇問題，請按聯絡我們，讓我們盡快跟進。

C – Charlotte　 D - Dianna

第五晚

C：大家好！我係聖神內更新團體嘅 Charlotte。

D：大家好，我係 Diana。

C：好高興又跟大家係『金錢以外』呢個節目相聚。今晚係我地同大家探討「引發別人的優點」嘅最後一集。我們會同大家傾下最後1個原則，就是永不放棄。

D：過去幾晚我地同大家分享咗發出別人的優點既5個原則。包括：接納別人的獨特性；信任他們，委以責任；對別人要有正面的期望；肯定別人的價值；同埋糾正人而又唔會令對方無面。

C：唔知你地有冇嘗試用呢啲原則，去引發別人的優點呢？有冇發現，原來當你用心平氣和的態度勸諫鼓勵人的時候，你會發現那人會被你的溫柔而打動，佢就會肯反省。你或者已經發現你而家同家人的關係正在改善啦。

D：Charlotte，今晚我地會探討一下最後一個原則，就是永不放棄。新約聖經格林多人前書13章7節：「凡事包容，凡事相信，凡事盼望，凡事忍耐。」其實，我地每個人都會犯錯。但最重要的，係要學識寬恕自己，寬恕人。

C：Diana你做錯事時，會唔會嬲自己架？我就好容易怪責自己，有時會因為做錯事好後悔、好唔開心。就算我知道天主已經寬恕了我，我仍然會怪責自己。

D：係架，求人寬恕同埋寬恕別人，都係最難學的功課。有人話，唔肯寬恕一個人，即是代表我地要放棄或終止同對方嘅關係，都幾嚴重架。

C：咁樣講，如果我地唔原諒自己，亦等如放棄自己喎。

D：我記起聖經有一個關於「浪子回頭」的故事。裡面講述一個年輕人，要爸爸一早分家產給他，於是佢離開屋企，過吃喝玩樂的生活，直至他花光所有家財。在困境之下佢悔悟過來，記起爸爸，於是決定返去向爸爸認罪。爸爸不但沒有怪責他，還趕上前迎接他。

C：其實，當子女犯錯，好嘅父母係唔應該成日重覆提住佢地嘅錯處。要俾佢地另一個機會。相信做錯事的人心裡都不好受，佢已經受了自己良心的責備。

D：我相信，俾機會人改過，等於俾機會自己。收音機旁邊的你，會唔會覺得好無助呢？你可能會問：「要怎樣做，才是一個好父母呢？」

C：有人話，世上沒有成功的父母，只有痛心的父母，因為父母都曾經歷仔女成長中的反叛時期。當日你的父母冇放棄過你，你就唔應放棄自己的子女。就算你的父母曾經離棄了你，你就更加不應重蹈覆徹，把錯誤傳比仔女。

D：做父母真係需要無比的堅忍，接納包容及等待子女的成長，正如天父怎樣對待了你同我一樣。所以記住接納你身邊的人的獨特性，信任他們、賦予他們責任，對人要有正面期望，肯定他們的價值、糾正而唔貶低佢，最緊要是唔好放棄他們。

C：我絕對同意。我好感恩能夠認識天主教信仰，讓我明白好多做人道理。它能幫助我地在管教子女或者管理工作上有更多正面能量。即使遇上生活中種種困難和挑戰，都唔會放棄發揮正能量。

D：Charlotte，老實講，我本來都幾自我為中心架。莫講話引發別人的優點，我以前根本就唔多理人感受。不過，當天主進入我的生命，我就開始改變，我現在好希望幫助人變得更加好，咁係全靠天主嘅大能呀。

C：唔，我都覺你好有活力同埋使命感呀!

D：今晚時間夠啦，多謝大家的收聽，再見。

C：再見。