 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
Flora：各位你們好！我是更新團體的Flora！ Matthew：各位好！我是Flora的先生，我叫Matthew！ Flora：老公，恭喜你！終於到了星期五，聽日你終於可以抖吓！ Matthew：是呀！老婆，噚日你話工作有六個目的，真是唔知噃，我淨是知返工好悶。你都知啦，我完全無興趣做呢份工，間公司又唔見得有咩遠景同前途。我淨是知個部門不斷萎縮，依家淨番我一個人，咩都是我做晒，講真，我每日返工真是覺得是捱，淨是想叫老細唔好攪咁多嘢！ Flora：老公，你返工真是辛苦，如果份工無前景，又唔是自己的興趣的話，都真是幾辛苦！我會好好咁是屋企照顧你架喇。但是老公，你有無唸過將來呢！ Matthew：將來？喂老婆，噚日你唔是暗示返工唔是淨唸退休的咩，你今日又講將來！ Flora：我講的將來，其實是講大家百年歸老，離開呢個世界之後！你有無唸過升天堂吖？ Matthew：嘩，升天堂，講份工咋噃，駛唔駛講到咁遠呀！ Flora：是呀！其實天主造人，一開始就要做嘢，所以人天生就是要做嘢。有人會以為工作是一個詛咒，唔駛做是一個祝福，絕對唔是，其實人離開樂園之前，已經要做嘢喇。話時話，世上最早的行業應該是土地同物業管理喎。 Matthew：咁，點解返工會變得咁辛苦呢？ Flora：天主話工作是佢的意念，原本是一個祝福，但由創世紀第三章起，亞當同厄娃犯了罪，天主話：「而家你要辛苦咁工作。」依家返工的痛苦，是因為做嘢帶俾大家好多唔開心、辛酸、討厭、失望同困難。但天主設計工作，本來是一個祝福。 Matthew：好喇！工作是天主的設計，咁為人嚟講，又有咩好處呢！ Flora：工作是造物主的意念，所以我們無可避免要做嘢，而且工作亦滿足我們的生活需要。 Matthew：呢個是每日我返工的最主要原因，做嘢，其實是賺錢，能夠滿足我的需要，滿足我家人，即是你同個仔的需要，使我們唔駛麻煩人。 Flora：呢樣嘢，聖經都有講噃。保祿講過：「我們在你們中沒有閒散過，也沒有白吃過人的飯，而是黑夜白日辛苦勤勞地操作，免得加重你們任何人的負擔」（得後3：7-8）。保祿是一個建立了好多地方教會的人，好德高望重，其實如果佢要唔做嘢，等人捐獻生活，相信一定可以，但是佢為了生活，同樣會勞力工作，自給自足，唔想加重人們的負擔 Matthew：聖經得撒洛尼人後書3章10節，亦都提到：「誰若不願意工作，就不應當吃飯。」聖經要講的是：你唔想做嘢就唔應該食飯，並不是話：「一個人唔能夠工作，就唔應該食飯。」實在喺香港社會，有人揾唔到工，又或者唔能夠工作，我們理所當然需要幫助佢們。關懷有需要的人、窮人，同無家可歸的人，弱勢社群是教會的責任，天主亦都命令我們去幫助佢們，但如果一個人不願意做嘢，天主會話，呢個世界無免費午餐，游手好閒的人唔應該食飯。 Matthew：無問題，我好願意，亦都好樂意！ Flora：好喇，今日講住咁多先，希望大家有一個輕鬆的週末同週日，休息吓，下星期一我們再講吓返工仲有另外邊四個目的。 M/F：拜拜！ |
||||
 |
||||
|
||||
網頁比例
訂閱頻道
活水福傳新呈獻