 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
Matthew：各位你哋好！我係更新團體嘅Matthew！ Flora：我係Flora。 Matthew：一連五集，我哋同各位講吓你返工有咩意義。 Flora：今日大家抖番一日，感覺係唔係好良好呢？上幾集，我哋知道工作係天主的設計，原本係一個祝福，可以令我哋有能力養家，你嘅工作訓練你嘅品格，同埋工作可以令你有能力慷慨 Matthew：今日我哋再講多一個目的 Flora：老公呀！你每日返工都會同好多人接觸，有無試過有人令你好開心，又或者令你好嬲呢？ Matthew：有呀, 有次紅色暴雨浸到租戶間舖濕晒, 我同同事即刻落去處理, 仲幫佢「畢」水, 後來個客寫信比老闆多謝我地熱心幫忙, 令佢損失減到最輕, 那次都幾開心。 Flora：係噃，大家返工，講嘅嘢同做嘅嘢，都會影響其他人架噃！大家嘅工作態度其實係喺度講緊你相信嘅係咩嘢，你係一個點嘅人，其實不知不覺間你已經係一個見證，你其實可以透過你嘅工作，成為其他人嘅榜樣 Matthew：無錯，天主要我哋愛人如己，其實就好似頭先我所講嘅例子咁，你每一個行為都會影響自己同其他人，可以係好嘅影響，可以係壞嘅影響，好似頭先我講嘅經驗，就令自己更積極，所以愛人如己，最終得益嘅，唔只係其他人，仲有自己。 Flora：成為其他人嘅好榜樣，就係你工作嘅第五個目的。如果大家係一個基督信徒，你工作嘅態度、方式，更加係對其他無信仰嘅人嘅見證。行動一定比齋講更有效，天主想大家做一個人哋可以聽到，又可以睇得到嘅基督信徒。我好開心，喺我以前嗰份工，坐係我後面，同另一位人力資源部嘅同事，兩家人都領咗洗，信咗主，坐喺我右邊嘅同事，都有興趣認識主多啲。 Matthew：的確行動比說話更加強而有力，如果大家唔係只用說話，而係用生活去做見證，或者你嘅同事，同你經工作接觸到嘅人，會快啲成為信徒，幫到佢哋生活，使佢哋唔係自己一個人行條人生路咁孤單，係有天主一齊行，咁遇到困難，唔開心嘅嘢時，都有天主可以幫佢哋。 Matthew：我想起一啲聖經人物，好似古聖若瑟（Joseph）和達尼爾先知（Daniel），佢哋嘅好行為，使其他人都想認識天主。但係大家又唔好以為一定要做到生活零瑕疵先可以做見證噃，只要你忠實、可靠、盡力做好你份工，就得喇，世上唔會有零瑕疵嘅人，除咗耶穌。 Flora：大家工作嘅地方會不會因為你係基督信徒而變得開心啲？你工作嘅地方有無因為你係一個有信仰嘅人而變得好啲？大家工作嘅地方是你去傳福音最具挑戰性嘅地方，唔好睇小呢個地方，因為你除咗瞓覺同無自主力嘅時間之外，百分之四十嘅時間都喺嗰度，我哋要用呢個地方去為天主工作。如果你暫時未有信仰，你都可以喺呢個你差唔多每日都要去嘅地方，正面影響其他人。唔！老公，咁你除咗覺得份工悶同無前景之外，仲有無諗到啲嘢呀？ Matthew：諗到我老闆、同事同埋工作上合作伙伴囉，世界上可能只有我可以咁深入接觸到佢地，讓佢地認識天主,，我相信這就天主安排我在這裡其中一個目的， 我時常都提醒自己要帶比佢地一啲好的影響，例如好似耶穌講做一個忠信盡責的人，好開心老闆都認同我，在年終評核上對我評語為「盡職盡責」。 Flora：所以你最近三年，連續成為公司其中一位最佳員工，仲有奬金噃！ Matthew：係呀！感謝天主！ Flora：今日講到呢度，聽日同大家講你工作最後一個目的，使大家一齊返工唔係捱，而係好有意義嘅事！ M/F：拜拜！ |
||||
 |
||||
|
||||
網頁比例
訂閱頻道
活水福傳新呈獻