 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
Matthew：各位你們好！我係更新團體的Matthew。 Flora：我係Flora，Matthew的太太，亦都係更新團體的會員。上5集我們講咗你工作的價值，返工點解唔係捱，跟住落嚟的5集，我們會「健康談性」。 Matthew： 老婆呀！性呢個話題好似幾敏感噃！不過又幾值得講。我們都曾經聽過一啲名人、高官，因為一啲醜聞落台、辭職。性呢樣嘢，真係叫人又愛又恨噃！ Flora：老公，我們的社會週圍都係同性、同色情有關的資訊，似乎人人都好重視性呢樣嘢噃。事實上，很多嘢都用性來做賣點、包裝，差不多所有的傳播媒界：報紙、雜誌、電視，都有同性慾、性官能刺激有關的內容。 Matthew：除此以外，可能未必每個人都係，但起碼有很多人，成長的時候可能因為一啲經歷，而對性有錯誤的想法，結果係：一提到性，他們即時會諗起自己一啲醜事，好有罪咎感，或者怨恨，呢啲事同感覺，都唔會夠膽同人講。其實你唔可以想像，有很多人喺心底都埋藏著一啲同性有關的傷痛。 Flora：大家或者，以前做過一啲好蠢的決定，受過傷，有唔開心的回憶，我們即使見唔到你，唔知你係邊個，唔知你發生過咩事，但都為你覺得難過。曾經有一啲朋友同我分享，話他以前嗰啲唔開心的經歷，影響到依家他同老公之間的性關係添。 Matthew：係牙！？咁我們有個喜訊要話俾大家聽，聖經話：「真理會使你自由。」事實上，只要大家開始思考清楚呢件人生咁重要的事，從新理解他，放棄一啲舊有的、錯的想法，從今日開始改變，你就可以離開嗰啲唔開心、傷害、怨恨、羞恥，同其他負面情緒。 Flora：係呀！老公！早幾集，我們講過，聖經唔單止係一本宗教書，他其實亦係一本人生「使用手冊」，加上教會的訓導，天主已經話咗俾我們知，點做人先安全，真正自由、開心。旣然聖經係人生使用手冊，咁他一定有教我們點睇性呢樣嘢啦。 Matthew：聖經喺得撒洛尼前書4章3同7節告訴我們聽：「天主的旨意就係要你們成聖，要你們戒絕邪淫……因為天主召叫我們不係為不潔，而係為成聖。」 Flora：以前的事已經過去咗，當然我們可以尋求天主的醫治。但更緊要的係，依家對將來要點做？無論過去發生過咩事，無論噚日、上個禮拜、上個月或者十年前發生過咩事，你都可以通過一啲方法，重新整合自己。 Matthew：如果大家有唔開心的話，不如試吓同我們一齊做一個簡單的祈禱： Flora：好！希望剛才呢個短祈禱可以使大家感受一下天主點愛你。今日講到呢度，聽日開始再同大家講有邊四個選擇你可以做，目的係使你從一啲心結中釋放出來。 Matthew/Flora：拜拜！ |
||||
 |
||||
|
||||
網頁比例
訂閱頻道
活水福傳新呈獻