 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
Matthew：各位你們好！我係更新團體的Matthew。 Flora：我係Flora，Matthew的太太，亦都係更新團體的會員。今集我們會繼續「健康談性」。 Matthew： 老婆呀！噚日我們講有很多人因為一啲唔好的經歷，對性有錯誤的睇法，有很多人亦曾經喺呢方面受過傷，仲會影響夫妻關係添。其實只要我們對性有正確的認知，靠住天主從新開始，我們就可以唔駛再傷落去，唔再被以往的經歷縛住架喇。 Flora：係呀，首先我們請一位特別嘉賓開開聲先。 Matthew：喂老婆！點解你搬個仔出嚟呀！唔好話人們，我們都唔知他講咩噃！ Flora：因為他同我們要講的一個同性有關的選擇好有關係。 Matthew：咁呢個選擇係咩呀？ Flora：就係要認識天主同他的標準，仲要承諾一生緊守呢啲標準。聖經聖詠第119篇9節咁話：「青年（其實任何人）怎樣才能守身如玉？那就只有遵從你的言語。」我好鍾意守身如玉呢個翻譯，因為我們每個人都係好似一塊美玉咁矜貴，咁靚，咁有價值，只要我們遵從天主的說話，根據聖經呢本使用說明書，同教會的教導去做人，就可以睇到自己本身係一塊點靚的玉。 Matthew：喺性方面，天主的確有一啲標準、一啲原則去指引我們。其實我們好清楚知道，性係天主所設計的。而天主創造性，有三個原因： Flora：首先，一男一女喺婚姻盟誓中互相委身一生俾對方，性可以使夫妻之間得到快樂 Matthew：第二個原因，就同頭先的特別嘉賓有關喇。性係為咗生育。好明顯，天主一早就係咁設計架喇，所以他命令亞當同厄娃：「你們要生育繁殖，充滿大地。」就係因為有人遵守咗呢個命令，呢個世界上先會有你同有我咋。 Flora：第三個原因，係為咗夫妻兩個人有靈性的連繫。一對夫妻之所以可以一齊生活，唔只靠肉體的連繫，亦要靠情感同靈性的連繫。而性，就唔單只係肉體上的連繫，所以，無論幾耐之前的性經驗，大家都總會記得。如果大家曾經喺一個唔適當的時候飲咗一杯水，唔好講話三年，三分鐘後你可能已經唔記得呢件事。但係你就永遠唔會忘記你一個唔適當的性行為，即使係20年、40年後，你依然會記得，點解？因為他唔單只係一個肉體上的接觸，當中亦有情感和靈性的連繫，它的後果係：好深刻的記憶。 Matthew：所以今日，我們想同大家講的係：當性用喺天主所設計的關係之上的時候，他會係一件好靚，好奇妙的事，他對維繫夫妻之間的關係有好大的好處，但係，如果性唔係用喺天主原意的地方，他會比生命中其他事情，造成更多、更大的問題。 Flora：天主的標準好清楚，從創世以來亦都未改變過：性只係為喺婚姻盟誓上互相委身俾對方的夫婦而設的。 Matthew：大家可能會話：「開心吓都唔得？天主都想我開心架！」無錯，他的確想你開心。他創造我們，係我們的爸爸，做人父母就知喇，你唔會任由自己仔女想做咩就做咩，因為咁樣會好危險。所以天主俾生命大家的時候，他都設立咗一啲規範、一啲原則、一啲界線，目的係想你安全，咁先可以真正開心。喺性方面撞咗板的人，喺情感上輸得好厲害，無論喺同人的關係上、肉體上、靈性上、甚至死後永生上都會變成頭號大輸家，損失極之慘重。 Flora：係呀，我記得有一次我向神父辦告解，神父同我講，他話天主定一啲規則，唔係要管住我們，而係唔想我們受傷。」就好似所有GAS爐用的小型氣樽上都會註明：「切勿丟進火中」，我唔會覺得呢啲字句阻住我、懲罰我，而係一個好有用的提醒，叫我保護自己，唔信的話，自己就一定會受傷，仲會連累其他人。 Matthew：性係一份禮物，係一份天主俾我們的好禮物，他本身唔係一件壞事，唔係一件污穢、醜陋的事，而係一件神聖的事，之不過，任何禮物都要用得適當唧。所以，我們鼓勵大家下定決心，一生都符合天主的標準，做天主所講、令自己真正開心的事，而唔係做一啲自己以為會令自己最開心的事，最終有苦自己知。 Flora：好喇，今日先講一個明智的選擇，下星期一晚返嚟，繼續同大家健康談性！ Matthew/Flora：拜拜！ |
||||
 |
||||
|
||||
網頁比例
訂閱頻道
活水福傳新呈獻