 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
Matthew：各位你們好！我係更新團體的Matthew。 Flora：我係Flora，好！繼續「健康談性」。 Matthew：老婆呀！上集我們講到，性只係為喺婚姻盟誓上互相委身俾對方的夫婦而設的。我非常同意呀！老婆，你知唔知，其實無論做人老公定老婆，都有五個最深切的需要。老公同老婆的需要係完全唔同架噃！而喺性方面得到滿足，就係為人老公其中一個最深切的需要。 Flora：我知！遲啲我嗰個專為已婚青年女士而設的小組，都會講呢個題目。相信大家都可能曾經聽過有啲女士埋怨自己老公結婚之後，變咗一隻色中餓鬼。其實做人老婆的唔會明老公對性的深切需要，同樣，一個做人老公的亦無辦法了解老婆點解成日要人關心他，同他傾計。其實呢啲深切需要如果唔能夠得到滿足，男女雙方就好易有矛盾和衝突。 Matthew：其實性係你老公的自然合法需要唧。當男人結婚的時候，他承諾：「我會依賴你去滿足我的基本需要。我不靠任何人而只係完全委身給你一個。」聖經格林多前書7章3節話：「丈夫對妻子該盡他應盡的義務，妻子對丈夫也係如此」。我們各自都要滿足對方正常的需要。 Flora：的確，男人有很多需要，都可以喺婚姻生活以外的地方，合法得到滿足。他可以揾朋友打波、宵夜、飲番兩杯，唯獨係「性需要」，就只有做老婆的先可以滿足他。你們結婚的時候，雙方都承諾過，只會靠對方去滿足呢個需要。而你丈夫就係自願約束自己，喺性方面，只委身俾你一個 Matthew：大部份男士都期望自己老婆對性的渴求，同自己一樣。但係當老婆對性事唔係太大興趣的時候，他就會有一啲唔能夠獲得滿足的合法、正常需要。大部份男士由於曾經承諾過對妻子忠貞，他們亦會無奈咁遵守承諾，但另外有啲男士就會選擇婚外情。 Flora：所以，如果身為人們老婆，而無正視、滿足你老公的呢個正常需要，咁你無形中就加重咗你老公的壓力，因為這項合法需要係天主賜的，唔係你老公自己創出嚟的。 Matthew：有一個笑話，一個老公寫咗一封信俾他老婆，內容咁話：親愛的太太 ： 太 晚 － 23次 老婆，咁難怪我會發脾氣──愛妳的丈夫 Flora：最終結果係大部份男士得唔到性滿足，咁樣並唔係天主的原意。聖經格林多前書7章4-5節咁話： 「妻子對自己的身體沒有主權，而係丈夫有；同樣，丈夫對自己的身體也沒有主權，而係妻子有。你們切不要彼此虧負，除非兩相情願，暫時分房，為專務祈禱；但事後仍要歸到一處，免得撤殫因你們不能節制，而誘惑你們」。如果你老公唔能夠從你身上，合法地得到正常的性滿足，你會令他容易墮入魔鬼的詭計和誘惑之中。雖然可能唔啱聽，但呢個係鐵一般的事實。 Matthew：對男人嚟講，同老婆的親密接觸，可以彌補一啲唔如意的事，就好似開車時突然被人爬頭，公司沒職升或人工加得少，覺得自己唔係一個好老公等等，如果一個男人得到正常的性滿足，呢啲唔如意，都會變得唔係問題。 Flora：唔好令你老公內疚或者自責，試吓向天主祈禱，等天主教你點樣享受同你老公一齊的樂趣。喺美國，一位牧師的太太因為細個的時候受過性騷擾，所以對性的感覺好差，好抗拒，後來他先生慢慢明白他太太所受過的心靈創傷，對妻子好有耐心，好溫柔體貼，通過祈禱，天主亦醫治咗呢位太太的心靈創傷，他就開始享受同丈夫一齊的時間。 Matthew：性絕唔係一件要忍受的事，而係夫婦之間最靚、最令人興奮的事。天主醫好咗嗰位太太，一樣可以醫好你，天主能夠醫好心靈破碎的地方、一啲歪曲咗的想法，醫好我們認為無可能醫好的心靈創傷。你只需要祈禱，向他求助。嗰位太太就係一個好例子。 Flora：係呀！耶穌就咗我們的罪死而復活，同他建立關係好重要。天主可以喺你生命呢個重要環節度，將一啲好可怕、痛苦，同所有唔好的回憶，通通將他醫好。 Matthew：你能唔能夠滿足你丈夫呢個正常的深切需要呢？大家試吓同你的另一半傾吓吖，咁樣有助你們建立正常的夫妻關係。好喇，今日講住咁多先，聽晚返嚟，繼續同大家健康談性！ Matthew/ Flora：拜拜！ |
||||
 |
||||
|
||||
網頁比例
訂閱頻道
活水福傳新呈獻