 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
Matthew：各位你們好！我係更新團體的Matthew。 Flora：我係Flora，好！繼續「健康談性」。 Matthew：老婆呀！上兩集我們講到，性只係為喺婚姻盟誓上互相委身俾對方的夫婦而設的，性係做人老公的其中一個最深切需要，係天主的設計，可以增進夫妻感情的靈丹妙藥，咁今日我們要講咩呢？ Flora：今日我們要教大家點樣將亂攪性關係的機會減到最低。 Matthew：要唔好亂攪性關係，第一步就係要承認自己定力唔夠，我們可能會諗：「人們出問題唧！我唔會呀！」咁你就上當喇！係聖經格林多前書10章12節，天主提醒我們：「凡自以為站得穩的，務要小心，免得跌倒。」只要有適當機會，喺合適的環境，任何人都有可能犯罪。如果你以為自己夠定力，咁樣就會阻礙你建立保護自己的防護罩。 Flora：好喇！首先，要承認自己唔夠定力。第二，就係要留意嗰啲會令讓你容易受到引誘惑的情況。咁就要先對自己誠實，睇吓自己的生活模式有咩漏洞，睇吓喺咩情況下，自己最容易喺唔為意的情況下，會犯同性有關的罪。 Matthew：依家喺香港打工，少不免要出外工幹。酒店房好容易令你有種錯覺，以為做咩都「無人知」。所以，如果你唔謹慎啲，又無開防護罩，你會喺酒店房做啲平時你唔會做的嘢。同時，工幹，或者去旅行的時候，你會接觸到一啲平時接觸唔到的人，同一啲人比平常更密切，或者去一啲你喺香港不會去的地方。所以，如果你已經結咗婚，唔該你喺酒店房的電視機前，擺一張屋企人的相，你可愛的仔女，可以提醒你：你已經委身咗俾一啲人，如果你做錯事，就會失去他們 Flora：第三點，就係：精明咁揀朋友。有很多研究都話，婚外情通常發生喺三種關係上：同事、親戚，或者係朋友。你唔可以控制邊個做你親戚，亦唔可以控制邊個做你同事，但就可以控制邊個做你的朋友。聖經格林多前書15章33節話：「交結惡友必敗壞善行。」 Matthew：其實，任何事情的發生都會有一個過程：由你思想開始，你的思想影響你的感覺，最終再影響你的行為。如果你成日同一啲亂攪男女關係，唔尊重自己另一半，唔理家庭的人一齊，過咗一段時間，你會發現自己的標準都會降低，很多嘢都變得可以接受。但係如果你同一啲以天主標準生活嚟生活的人一齊，你就唔會接受任何越軌的行為，所以，要小心選擇朋友。 Flora：仲有第四點，你要控制自己接收的信息。屋企通常都會有垃圾筒，你知不知道：電視機同互聯網世界，都不停向我們丟垃圾！我們可以通過互聯網做很多好事，但一唔小心，他就會揼啲垃圾落我們屋企，落我們個腦，你要喺電腦安裝過濾軟件，唔好俾啲色情資訊入嚟你屋企，因為咁會變成一個陷阱，貶低你的人格，甚至摧毀你的前途。 Matthew：如果你係基督信徒，最後一樣，將亂攪性關係的機會減至最低的方法，就係立定決心，過有尊嚴的生活。聖經厄弗所書5章3節提到：「至於邪淫，一切不潔和貪婪之事，在你們中間，連提也不要提：如此才合乎聖徒的身分。」你要認真決意以天主的標準嚟生活，要認真控制你的思想，將亂攪性關係的機會減到最低。 Flora：係呀！如果你唔控制你的思想，同其他異性有深入的接觸，例如傾訴心事、講吓自己老公、老婆唔好的嘢，以為：「只要無肉體關係，就唔駛緊張。」咁其實好危險，因為無發生肉體關係並唔代表發生緊的事無問題，因為一切都係由思想開始。 Matthew：現代人唔會停留喺情感階段好耐，只要睇吓每晚電視劇的劇情，就可以知道，很多電視劇的男女角色，兩個人識咗無幾耐，下一幕就已經一齊瞓係張床度。電視劇永遠唔會講俾你知之後會發生咩事，現實就唔一樣，你的家庭會破碎、精神會受好大壓力、會嬲，會睇唔起自己，會破壞你的人際關係，你的名譽。你只要問吓曾經受婚外性行為困擾的人就會知道。曾經有一啲婚外情導致其中一方要自殺，呢啲咁真實，咁嚴重的後果，電視劇係唔會話俾你聽的。如果大家唔想你的思想出事，教你一個方法吖！當你遇到好吸引的異性，你可以喺心裡面諗：「感謝天主創造一個咁靚、咁好的人！」咁你的思想就無咁易會出事喇！好work架！大家不防試試吓！ Flora：好喇，今日講住咁多先，聽晚返嚟，繼續同大家健康談性！ Matthew / Flora：拜拜！ |
||||
 |
||||
|
||||
網頁比例
訂閱頻道
活水福傳新呈獻