 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
Matthew：各位你們好！我係更新團體的Matthew。 Flora：我係Flora，好！繼續「健康談性」。 Matthew：老婆呀！上幾集我們講到，點樣將亂攪性關係的機會減到最低，今日我們會講吓，萬一真係出咗事，咁點收科。 Flora：首先，當然係唔好出事好啦！就好似我們第一集講的，性唔單只係肉體的接觸，當中亦有情感同靈性的連繫。所以，如果你想遇到誘惑的時候，唔會走上不歸路的話，咁你就要停落嚟，然後想：「如果我抵受不住誘惑，我要放棄啲咩？」即係要諗吓後果。當你受到誘惑時，你不會諗得咁清楚，一剎那的享受、一剎那的激情、衝動、情慾，都會使你將後果拋諸腦後。所以你要停一停，提醒你自己，一時的性衝動會喺你生命造成幾大的破壞，會點樣摧毀你的幸福，咁你就唔會咁容易舔嘢。 Matthew：大家可能正面對婚姻困難，或者你已經準備好要喺其他人身上揾啲慰藉；如果你仲係單身，覺得好孤單，好希望有一段感情或者安慰，無論係咩情形，都請你千祈唔好犧牲自己的身體，有婚外性行為。 Flora：有一個聖經故事。一個名叫厄撒烏的人，為咗一時口福之慾，就係餅同扁豆羹，而放棄咗整個家族的繼承權，他用咗畢生的幸福換取一時間的快慰，大家千祈唔好咁蠢。聖經迦拉達書6章8節說：「那隨從肉情撒種的，必由肉情收獲敗壞。」你喺你的生命中播咩種子，就會收成啲咩，可能壞的收成唔會即時出現，但一定會嚟！ Matthew：如果你好軟弱，有婚外性行為，今晚你聽呢個節目就啱喇！我們無人係完美的，每個人都曾經犯錯，呢個正係我們每個人都需要救主的原因。 Flora：喜訊係：無論噚日、上星期、上個月又或者十年前發生過咩事，你都可以從新開始，你都可以改過自新，就好似可以擁有第二次貞操一樣。天主想從新整合你的生命，醫好你，等你唔好俾啲記憶縛住，他等緊你架。 Matthew：咁點樣行返條好路呢？有四個步驟：第一步就係肯去改變。如果你肯承認自己唔啱，唔想再錯落去，天主就會俾機會你從新開始。咁點樣改變呢？就係改變你的思想，認同天主的想法，唔再用藉口將婚外性行為合理化，或者只係成日講：「我衰咗！」但係知錯而不改。如果你正牽涉喺婚外性行為當中，你就要即刻抽身。即刻就做，唔好拖延，因為每拖延多一秒，大家的痛苦就多一秒。 Flora：第二個步驟就係接受寬恕。當你開始行天主指的明路，你就感受到嚟自天主嗰份寬恕，如果係天主教徒就去辦告解，然後學吓寬恕自己。因為你帶著罪咎感生活，你的身體會反映出嚟。可能係唔停咁病，或者會恐懼、焦慮，同慌張，各種身體的病，同情緒病都會出現，雖然並唔係所有病都係呢個問題所造成，但很多都係。所以，如果大家可以接受天主的寬恕，然後自己寬恕自己，可能很多病都可以不藥而癒。 Matthew：第二個步驟就係從新聚焦。遠離嗰啲你知道不應該睇或者放入腦的嘢。我們無人會叫其他人嚟自己屋企，然後睇他們做啲淫竊的嘢，但我們會請他們喺電視機同電腦咁做。當你租啲色情影碟，或者係網上睇啲淫竊嘢的時候，你就係咁做。所以，要遠離嗰啲淫竊的嘢，只係同你老公、老婆親密，咁天主的祝福先可以去到你的生命。 Flora：聽咗咁耐，你可能會話：「講就好聽，但點做得到呀！」咁你就要知第四個幫你行返條好路的步驟，就係每日都求健康。將你的生命委身俾耶穌基督，求他幫你控制你的衝動，因為聖經格林多前書10章13節咁講：「你們所受的試探，無非係普通人所能受的試探，天主係忠信的，祂決不許你們受那超過你們能力的試探，天主如加給人試探，也必開一條出路，叫你們能夠承擔。」請耶穌基督幫你。 Matthew：天主俾人性慾，如果用得適當，可以使兩夫婦無論喺肉體、情感，胴靈性上好好咁喺埋一齊，但如果用得唔適當，它會破壞婚姻同家庭，破壞你的自尊，令你無安全感，會痛苦、內咎、羞恥、沮喪，更加會帶俾社會唔同的疾病。從依家起，希望大家都可以過一個真正自由，受控的新生活。天主可以幫到你。 Flora：好喇，10集兩個單元的節目又完咗喇，由聽日開始，Simon同Pinky會同大家講吓點樣「追求卓越」同「工作致勝之道」！ Matthew/ Flora：聽日見，拜拜！ |
||||
 |
||||
|
||||
網頁比例
訂閱頻道
活水福傳新呈獻