Untitled Document

活水基金Facebook

普通話「金錢以外」
活水基金簡介及標誌的意義  
《生活投資Blog》　講者：聖神內更新團體　|　第六十六集：謙遜與自信(六)
請等候片刻...
 

如遇問題，請按聯絡我們，讓我們盡快跟進。
專訪「活水基金」 – 一股福傳新動力

忠：各位朋友你地好，我係更新團體嘅阿忠。


儀：我係呀儀，大家好。


忠：過去一個星期我地同大家分享「謙遜」同埋「自信」。我地明白我地嘅「驕傲」同埋「傲慢」行為時常出於自私、同埋擔心其他人睇少自己引起。「謙遜」先至係自信嘅表現，我地鼓勵大家鍛練「謙遜」。包括讓別人優先，注意人地嘅需要先啦。


儀：仲有就係選擇「尊重人」啦，多d聽人講。要「虛心學習」，同埋要開放自己，接受人地批評。仲有就係承認自己嘅錯誤同埋不足。呢d都需要勇氣同埋「安全感」先至做得到。


忠：「傲慢」、「自大」好容易，但係你同你身邊嘅人嘅關係就會越刨越薄。到自己遇到困擾，你可能唔願意放低「尊嚴」，搵人幫手，你就會好辛苦。


儀：我地生命嘅壓力來自你嘅期望。時下嘅廣告同埋勵志書都會話你知，你可以擁有一切，呢d係令你變得驕傲嘅神話。你唔可能成為一切，擁有一切。我地每個人都會有由天主比你嘅恩賜同埋能才，你根本無可能做一d超過你嘅能力、精力和時間所能做到嘅事。


忠：「謙遜」嘅意就係準確、不存偏見咁對自己嘅長處和短處嘅了解——你明瞭自己係有局限嘅。


儀：如果你問，遇到壓力可以點呢？


忠：隨咗同家人傾訴仲可以點。等我介紹耶穌比你識啦。係瑪竇福音11章29節，耶穌親自同我地講：「你們背起我的軛，跟我學吧！因為我是良善心謙的：這樣你們必要找到你們靈魂的安息」。


儀：耶穌明白我地嘅重擔，叫我地學習佢嘅良善心謙，如果我地學習佢嘅謙遜，我地嘅心靈就可以得到平安。耶穌仲會同我地分擔重擔添。佢係我地生命嘅最好伙伴。


忠：呀儀呀。有關「謙遜」同埋「自信」，我地就講到這裡。今集係更新團體在「金錢以外」三個月嘅廣播節目最後一集。有Ｄ唔捨得。


儀：所以我都好欣賞由「活水基金」支持「金錢以外」呢個廣播節目，俾我地可以思考一下，學習一下「金錢以外」我地生活同埋生命成長嘅野。幫助我地解開生活困難，認識天主嘅生活道理，同埋實用嘅處世方法。


忠：時間過得好快，更新團體參加「金錢以外」呢個廣播節目已經3個月啦。更新團體總共有11位朋友分別同大家傾過計，分享咗好多話題。

包括Linda 同佢先生 呀Ming同大家分享點怎鞏固享受婚姻同埋家庭啦。團體主席Sammy同佢太太呀Anne，仲有佢地兩位仔仔同我地講教仔嘅心得同埋享受同仔女相處嘅黃金十年嘅方法啦。


儀：仲有Sylvia，佢同我地分享佢嘅經歷，點樣係生命低谷尋找曙光。另外Flora 同佢先生Matthew同大家健康談「性」，仲同我地分享原本返工唔係捱啦。


忠：仲有Pinky 同Simon佢「追求卓越」、「工作致勝」嘅方法。仲有我同你一齊探討嘅「點樣成為更叻嘅人」，同埋謙遜先至係真正嘅自信等等。


儀：如果大家想重溫，可以上「活水基金」嘅網頁www.hklsf.com


忠：又或者上更新團體嘅網頁www.ris.org.hk。


儀：聽日開始，小別咗3個月嘅徐錦堯神父會再開咪，佢會係「金錢以外」呢個廣播時段同大家分享佢嘅信仰，同埋佢點樣睇人生架喎。記得留心聽呀。再見。


忠：再見。
  返回目錄