 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
A=Andrea L=Linda 第一晚 A：晚安！大家好！我是Andrea。是聖神內更新團體的會員。坐在我身旁的，都是來自聖神內更新團體既。 L：晚安！大家好！我是Linda。 A：聖神內更新團體會在「金錢以外」這個節目內，同大家分享不同的主題，讓大家有一個平衡的生活，同豐盛的人生。 L：Andrea，我們這一輯會跟聽眾分享什麼？ A：我揀左「寬恕」做這星期的主題。Linda，我想問問你啦，什麼是妳生命中是最重要？ L：除了天主，就係我既家人啦。我的先生，三個仔女，父母，兄弟姊妹，都是我生命中是重要。 A：雖然如此，我想問你啦，過去他們有無做過令妳好嬲的事，傷害過你，而需要妳去寬恕呢? 又或者直到現在妳仲未寬恕他們呢？ L：有！他們有傷害過我。而且我有發嬲以及覺被傷害，但都已經過去左，我就無再擺係心，我想我都巳經寬恕他們了。 A：是因為妳愛他們，所以原諒佢地對你的傷害！聖經在格林多人前書13章5節說：「愛……不圖謀惡事，」或者可以理解成「愛…不記仇」。換言之，愛不把傷痛儲存起來。 愛不會記着這些。所以愛是生命最重要的因素。 L：但是，寬恕是好難做得到的。特別係女性，記性特別好，當心情唔好既時候，特別容易記翻以前唔開心的事。同老公鬧交既時候，仲會翻晒以前的舊賬出來講。 A：這些事成日都會發生！不過男士都會將唔開心既事記在心頭，似乎都係人之常情。 L：但是，如果能夠真正寬恕傷害過我們的人，我們就不被怨恨困擾，內心就充滿著平安。 A：寬恕傷害過我們的人，得益既其實係自己。因為自己再唔使受怨恨困擾，影響我地既心情同埋精神，咁生活先至可以輕輕鬆鬆架。 L：有好多朋友覺得寬恕人好難，好多時是因為我們對寬恕存在不少誤解。 A：最常見既誤解都有幾個架。第一個就係〝以為寬恕是有附帶條件既〞。 L：咁你意思係咪寬恕是「唔應該」有附帶條件架？ A：係呀! 真正既寬恕是「唔應該」有附帶條件。你試想吓，如果你跟某人說：「除非你咁咁咁……我先至會原諒你」。 L：好多時人地做錯事，當然要做翻好多野補救，或者送翻禮物比自己，先至顯得有誠意認錯。 A：這不是寬恕，是討價還價。是交易。最完美的寬恕唔可能用錢去買到。 L：無條件原諒人，點先做得到呀？ A：如果你真係愛對方，你就做得到。我睇過一本由一位德國神父寫既書。佢話「愛」同「寬恕」有一個最大的共通點，就是如果我們曾經經驗過被愛，我們才有能力去愛。如果我們曾經經驗過被人無條件原諒過，我們就有可能無條件原諒人。 L：咁我經驗過啦。 A：我都經驗過啦。 L & A：因為我地都係基督徒呀。 L：夠鐘啦，明晚再同大家傾計啦。拜拜。 |
||||
 |
||||
|
||||
網頁比例
訂閱頻道
活水福傳新呈獻