 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
A=Andrea L=Linda 第二晚 A：晚安！大家好！我是聖神內更新團體的Andrea。 L：大家好！我是Linda。 A：好高興收音機旁邊的聽眾繼續收聽『金錢以外』這個節目。 L：昨晚我地開始了一個新主題，就係『寬恕』。我們明白，如果能夠真正寬恕傷害過我們的人，我們就不被怨恨困擾，內心就充滿著平安。 A：所以，我地希望大定都可以無條件原諒人，雖然佢地得罪我地，甚至傷害過我地，就是因為我地愛對方，我地都願意去原諒對方。 L：不過，正如昨晚提到，我地對寬恕存在不少誤解。有時令到我地唔知應唔應該寬恕傷害我地既人。今晚我地繼續探討一下。 A：關於傷害，以我理解，大致可分“無意的傷害”和“蓄意的傷害”兩種。 L：係呀。“無意的傷害”，顧名思義，就是一時的疏忽。例如，我不小心踩踏別人的腳，又或者食完飯執枱時，無意之間打爛隻碗，幫人攞野越幫越忙等等。事實上，我的言語和行為有時都會粗心大意，做出一些無 心之失。呢一類錯誤對人做成傷害，都係出自無意，唔係自願的。 A：“無意的傷害”都係是意外。但係“蓄意的傷害”就好唔同啦。是指被人蓄意破壞人與人之間的良好關係。是刻意的傷害。例如出賣朋友、惡意攻擊、背後講人壞話、散播謠言、作弊、造假等等。兩者有好大既分別。 L：咁我地寬恕人，或者原諒人，係咪指無條件原諒那些無心之失呀？ A：又唔係咁意思喎，因為係意外，對方都無心，我地其實要包容同埋忍耐，接受意外難免既事實，未至於要原諒對方咁嚴重。老實講，如果意外犯錯的是自己，咁當然要向人表達歉意啦！但又不至於要去求對方寬恕自己咁誇張。 L：但係，如果自己係被人蓄意傷害，情況就好唔同啦。因為我地認為對方有心傷害自己，我地就會有憤怒，憤怒既情緒原本好正常，但係，如果我地唔好好處理我地既情緒，憤怒就好容易變成更具破壞力既怨恨，甚至怨毒。咁就好傷身，亦好傷心啦！ A：寬恕就係讓我地走出困境既最佳方法。聖經中耶穌要求我地寬恕我地既兄弟，耶穌話：「如果你的兄弟犯了罪，你就得規勸他；他如果後悔了，你就得寬恕他。如果他一天七次得罪了你，而又七次轉向你說：我後悔了，你也得寬恕他。」 L：耶穌知道寬恕係為我地最好既。 A：不過，當有人求你寬恕佢既時候，我地或者會咁答：「無問題，好小意思啫。」或者說：「無問題，這事沒真正傷害我。」但實情係自己好唔開心，好受傷害的話，咁答法就會過分淡化事情的嚴重性，而這傷害還是存在。 L：咁係咪話原諒對方時其實唔應該表現得太過輕描淡寫，咁樣有些似貶低左寬恕原來既情操。 A：我地可以適當地表達我地既感受同埋所受既傷害，讓對方明白，同時表示願意原諒對方。 L：今晚講到這裡吧，明晚再傾啦。拜拜。 |
||||
 |
||||
|
||||
網頁比例
訂閱頻道
活水福傳新呈獻