 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
A=Andrea L=Linda 第三晚 A：晚安！大家好！我是聖神內更新團體的Andrea。 L：大家好！我是Linda。 A：好高興收音機旁邊的聽眾繼續收聽『金錢以外』這個節目。 L：這兩晚，我地開始了一個新主題，就係『寬恕』。我們自願去寬恕人，仲要係無條件咁去原諒人，是因為我們有能力去愛曾經傷害過我們的人。唔好以為原諒人是弱者既表現喎。 A：相反，我們自願去寬恕人，我地就不會再被怨恨困擾，內心充滿著平安，有能力繼續為未來而活，不會被怨恨令我地的生活停滯不前。 L：所以，雖然難以避免人地得罪同傷害自己，但我地都可以有能力繼續好好生活。 A：不過，正如前兩晚提到，我地對寬恕存在不少誤解。有時令到我地唔知應唔應該寬恕傷害我地既人。今晚我地繼續探討另一個常見既，人們對寬恕的誤解，就係以為寬恕人，就代表要與對方，或者等於可以恢復原本的關係或者維持一段關係。 L：其實，這是對寬恕最大的誤解。寬恕不等同恢復一段關係。 A：係呀。約十年前，我有個唔好的經驗。我加入了一個團體，認識其中有一位會員，本來相處都幾融洽，但後來我知道佢在我背後嘲笑我、蔑視同中傷我，令我好唔開心，我感覺受傷害，而且內心產生怨恨情緒。 L：咁你有沒有對付佢呀？ A：我無做任何嘢。只希望事件能夠淡化，我只想在兩年後當完成自己的責任就退會。我亦盡可能唔見對方，怕自己唔知會有甚麼反應。我無報復，但我知道後來有人不值佢其他的所為，寫了一封歷名信投訴佢，其實封信並唔係我寫既但有人以為係我做。 L：咁後來點呀？ A：我怕同佢繼續合作會令我繼續受傷害，唔想同佢保持關係，因為我當時懷著忿恨與不寬恕的心，無想過要原諒佢。而這事件困擾了我好多年，即使有人在我面前提佢，我的心都唔會砰砰亂跳！ L：你後來如何處理好你這份傷害呀？ A：我直到我０５年我開始信主，我開始有被愛同被釋放的經驗，我憑主耶穌給我的力量寬恕左這個多年前傷害我既人。是無條件的寬恕。之後，這件事無再困擾我。 L：咁你有無同對方和好如初呀？ A：咁就無喎。雖然我原諒左佢，而我亦從困擾中釋放過來，但我未想過要同佢重新建立關係，而且建立信任都並非一朝一夕既事。 L：是呀，恢復關係與寬恕是兩回事。寬恕是立即的，而恢復關係是需要經過時間去建立信任。恭喜妳呀Andrea！寬恕曾經傷害過我們的人，確實是對我地有好處。我地希望大家都可以無條件原諒人，繼續好好生活。 A：我都好開心終於讓我回復平安喜樂既心。 L：今晚講到這裡吧，明晚再傾啦。拜拜。 |
||||
 |
||||
|
||||
網頁比例
訂閱頻道
活水福傳新呈獻