 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
忠：各位朋友你地好，我係更新團體嘅阿忠。 儀：我係呀儀，大家好。 忠：呀儀呀，尋晚我地開始同大家分享「謙遜」同埋「自信」。今日我地繼續傾下呢個話題，仲會研究鍛鍊「謙遜」嘅方法。 儀：尋晚講過，今時今日，要成功就一定要有「自信」。但係，就好多人都誤會咗，以為「驕傲」就係「自信」。其實啱啱相反，「謙遜」先至係自信嘅表現，而且係「愛」嘅表現添。聖經話「愛，不誇張，不自大」。 忠：有d「驕傲」同埋「傲慢」嘅行為係好明顯嘅，而且犯眾憎，好似目中無人呀、死不認錯、尖酸刻薄、踩低人抬高自己。但係有d就無咁明顯，但係都係「驕傲」。呀儀呀，你知唔知邊d係歸呢一類呀？ 儀：我要「謙遜」d答你先得。我相信就係：乜到要爭一餐呀、認叻認唔切呀、唔識欣賞人、任性呀、唔理人感受呀、日彈夜彈，「sun」到樹葉都落呀。 忠：係呀，雖然呢d行為未至於傷害人，但係久而久之，就會影響人與人之間嘅關係。真係要留意。 儀：即係話，「傲慢」嘅行為並唔係反映「自信」。「謙遜」嘅行為先至反映「自信」。「謙遜」唔單至係內心嘅想法，仲會反映係行為上。 忠：整部聖經都叫我們「係天主面前空虛自己」。意思係『驕傲係我地自己應該放棄的野。』係一種選擇。我地可以選擇唔再以自我為中心，可以選擇唔再自以為是，我地可以選擇唔再任性，你選擇以謙遜的行為來顯示真正嘅自信。 儀：有人話，謙遜係「自我遺忘」。就係將注意力集中係幫人，或者「照顧人地嘅需要」上面，而唔係唸自己嘅著數。 忠：講起將注意力集中係「幫助人」，我就唸起德蘭修女，佢真係偉大。但係佢嘅偉大並唔係因為佢嘅豐功偉積，而係佢一生「謙遜」咁去服務印度加爾各答垂死嘅人。 儀：又好似四川地震咁呀，雖然死咗咁多人，又有數以百萬計嘅災民，但係呢件事引發出更加出乎意料嘅善行，大家咁樂意去損助災民。大家咁有同情心，係因為我地先有一種內心嘅「安全感」，同埋「自我遺忘」感，先至可以做到。 忠：無錯，自我嘅人唔會體會到別人嘅痛苦。「謙遜」嘅人就可以做到。或者你會問，「謙遜」有無得學，或者鍛鍊嘅呢？ 儀：謙遜是可以鍛煉出來的，通過反覆、反覆再反覆練習後能做得愈來愈好的事，就好似健身一樣，只要你keep住做運動，好快你就發覺自己fit咗，全身都輕晒。 忠：或者你會話，「我都唔覺得自己傲慢，唔使學啦。」不過我覺得學吓，再鍛鍊吓都係好嘅。我地好容易只係睇到人地眼中嘅木屑，而睇唔到自己眼中嘅大樑。 儀：咁由邊度開始呀？ 忠：就由「禮讓」開始啦。 儀：「禮讓」? 忠：無錯就係「禮讓」。現代城市人最醒嘅，就係乜都爭一餐，排條慢一d嘅龍就好似輸咗成富身家咁，好「孟掙」。 儀：城市人就係咁，一有機會就會爭到盡。所以，要鍛練「謙遜」，就要先學習「禮讓」啦。好似讓路啦，讓坐啦。對人「禮讓」，係自信嘅表現。 忠：我都好同意呀。希望大家開始試下放低身段，鍛鍊「謙遜」啦。呀儀呀，今晚時間夠啦，我地下星期一再同大家分享點樣學習「謙遜」，表現「自信」啦。 儀：祝大家有一個愉快嘅周末，再見。 忠：再見。 |
||||
 |
||||
|
||||
網頁比例
訂閱頻道
活水福傳新呈獻