 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
忠：各位朋友你地好，我係更新團體嘅阿忠。 儀：我係呀儀，大家好。 忠：呀儀呀，上星期我地開始同大家分享「謙遜」同埋「自信」。今日我地繼續傾下呢個話題，繼續研究鍛鍊「謙遜」嘅方法。 儀：上星期我地鼓勵大家鍛練「謙遜」，由學習「禮讓」開始。唔知大家有無利用過去幾日練習「禮讓」呢？感覺如何呢？ 忠：呀儀呀，你有無發覺好多城市人都好似好趕時間，無辦法接受自己排嘅嗰條隊最慢。過關，係超級市埸比錢，又或者排隊「咁」錢嘅時候就最明顯。爭先恐後不特止，如果有一條counter新開，周圍排隊嘅人就會好似Rambo咁，衝鋒陷陣，絕對唔可以能失去先機，慢人一步就好唔開心。 儀：如果排一條好慢嘅隊，可能因為個職員比較新手，又或者前面有一D預計唔到嘅事「kick」住，自己不期然就會無名火起。搭地鐵火車就更多古怪事情。有d人硬係要扮瞓覺都唔唸住讓位比有大肚婆或者老人家。都唔知乜野心態。 忠：不過有d人唔係因為自我中心又或者真係好趕時間而唔禮讓喎，反而係因為難為情，覺得潮流都唔「興」「禮讓」，覺得唔好意思，所以唯有扮瞓覺。又有d人怕如果起身讓位，但係人地拒絕自己嘅好意 (可能因為對方覺得唔好意思，又或者心裡高傲嘅性格，有人讓位都唔領情)，咁咪好尷尬？好瘀個喎。 儀：怕瘀咪積係無自信囉。因為無自信就連「好事」都唔敢做，都幾可惜喎。我記得德蘭修女有句名言，『如果你做善事，人們說你自私自利、別有用心，不管怎樣，總是要做善事；人們確實需要幫助，然而如果你幫助他們，卻可能遭到攻擊，不管怎樣，總是要幫助；』 忠：呢d就係真正嘅自信啦。聖經都教我地要顧及別人嘅需要。斐理伯書有一段係咁寫嘅：「不論做什麼，不從私見，也不求虛榮，只存心謙下，彼此該想自己不如人；各人不可只顧自己的事，也該顧及別人的事。」我地可以選擇「讓人地優先」，去鍛鍊自己嘅「謙遜」同埋自信。 儀：咁你會唔會讓位比人賩？ 忠：會呀！不過有位我梗係會坐啦。但係我就會留意有無人有需要坐，我會第一時間讓位比人嘅。聖經羅馬書教我地：「論尊敬，要彼此爭先。」 儀：呀忠呀，聽你咁講，「讓人地優先」其實仲可以係「尊重人」嘅表現喎。我地個個都希望人地尊重自己，好似自己係世界嘅中心一樣。希望個spotlight時時照住自己。坐就要坐首席，你行，人地就要讓路。 忠：其實我地可以選擇「尊重人」來鍛鍊自己嘅「謙遜」同埋自信。與其吓吓希望成為眾人嘅焦點先至有滿足感，不如學吓尊重別人，讓別人先發言。讓別人展示佢地嘅光芒。亦可以幫助人地跨越佢地嘅困境，讓佢地成長進步。呢d都可以令我地變得更「謙遜」同埋表現得更自信。 儀：係啦，我地唔使吓吓要食住人，或者踩住人先至表示自己叻嘅。 忠：仲有一種方法，就係講少、d聽多d。聖經雅各伯書教導我地要：「敏於聽教，遲於發言，遲於動怒」。 儀：我都好同意呀。希望大家開始試下放低身段，鍛鍊「謙遜」啦。呀忠呀，今晚時間夠啦，我地「聽」晚再同大家分享點樣學習「謙遜」，表現「自信」啦。再見。 忠：再見。 |
||||
 |
||||
|
||||
網頁比例
訂閱頻道
活水福傳新呈獻