 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
儀：各位朋友你地好，我係更新團體嘅阿儀。 忠：我係呀忠，大家好。呀儀呀。今日我地繼續傾下「謙遜」同埋「自信」呢個話題，繼續研究鍛鍊「謙遜」嘅方法。 儀：自從上個星期四晚開始，我地鼓勵大家選擇「謙遜」，因為「謙遜」先至係自信嘅表現。相反嗰d目中焦人呀、死不認錯、尖酸刻薄、踩低人抬高自己，自我中心嘅人呢，只不過係「驕傲」同埋「傲慢」，並唔係自信。 忠：我地分享過一d鍛鍊「謙遜」嘅方法啦，就係選擇「讓人優先」同埋以「尊重人」嘅行為開始。包括讓人先發言。今日我地再講吓另一個練習「謙遜」嘅方法，就係「虛心學習」啦。 儀：呀忠呀! 而家d人認叻就認唔切，乜都話知，有時仲講到似層層，好似好醒，原來無料扮專家，識少少扮代表。要佢地「虛心學習」都唔容易。 忠：我都明白，都係缺乏「安全感」先會令佢地死都要扮識野，驚比人睇少吖嘛。其實都「鄧」佢地辛苦。有時比人識穿咗，仲會比人笑成世，都無乜著數。真正有「安全感」同埋自信嘅人，先至做到「虛心學習」。 儀：聖經中箴言15章12節提醒我地：「輕狂者不愛受人指責，也不願與智慧人往來。」 「輕狂者」即係嗰d「驕傲」同埋「傲慢」嘅人啦，佢地唔會肯開放自己接受人地意見。覺得人地係指責自己。聖經話，咁樣我地就唔會進步，唔會令自己更有智慧。 忠：我以前都好「自滿」有d「傲慢」架，同上司硬係唔咬弦，佢成日話我呢樣錯呢樣又唔啱。我又好勞氣，覺得佢有心挑剔，自問做野盡心盡力，就唔明佢點解樣樣好似要針對自己。有一次佢提醒我，話我太自信，淨係以為自己嘅野就一定啱。佢知道我係基督徒，叫我唸唸耶穌教導我地要謙遜。嗰次真係當頭棒喝。我好多謝佢嘅提醒，原來自己不知不覺變得目中無人，同埋「驕傲」。 儀：咁你後來點呀？有無謙遜翻d呀？ 忠：而家好好多啦！ 以前以為老闆有意見就係批評自己，只係自己過唔到。其實佢肯教我，都係想我我醒d。 儀：聖經箴言咁話：「避免教導的，是作賤自己；聽從規勸的，必獲得機智。」 忠：我好同意呀。 儀：如果你開放自己，接受地嘅提點，你會變得更有智慧。你虛心受教嘅話，你會變得更加可愛架。 忠：係生命裡，我地要選擇究竟自己想「係」一個有智慧嘅人吖，還是只係一個自以為是，或者係「扮」醒嘅人。係醒目仔還是「扮」醒目。 儀：如果你只想「扮」醒目的話，咁你自然唔會容許自己有「唔識野」嘅時候，你會使出渾身解數來吹噓自己，但其實自己都無進步。 忠：相反願意受教，勇於發問保持學習精神，同埋求知探究嘅精神，先至令我地進步。而且虛心受教嘅人，同人一定會少d衝突。聖經都咁話架：「傲慢只有引起爭端，虛心受教的人纔有智慧。」 儀：我都好同意呀，我唸你都想做個有智慧嘅人啦。希望大家開始試下放低身段，鍛鍊「謙遜」啦。今晚時間夠啦，我地「聽」晚再同大家分享點樣學習「謙遜」，表現「自信」啦。再見。 忠：再見。 |
||||
 |
||||
|
||||
網頁比例
訂閱頻道
活水福傳新呈獻