 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
儀：各位朋友你地好，我係更新團體嘅阿儀。 忠：我係呀忠，大家好。呀儀呀。今日我地繼續傾下「謙遜」同埋「自信」呢個話題，繼續研究鍛鍊「謙遜」嘅方法。 儀：尋晚同大家分享「虛心受教」嘅好處，如果你開放自己，接受人地嘅提點，你會變得更有智慧。你虛心受教嘅話，你會變得更加可愛。而且一定會少d同人有衝突。呀忠呀，咁你有無「虛心受教」呢？ 忠：直頭聽教聽話啦。呀儀呀。不如我地今晚講吓另外一個方法啦，就係承認自己錯誤或者不足啦。 儀：有無直接關係我都唔知，但係我就知道好多人，當佢地生命出咗問題，可能因為做錯事，或者工作出咗問題，又或者感情出現問題，都唔會識得搵人幫。特別是「男人」都會希望自己可以搞得掂，唔想比人知道自己有困難。 忠：我作為男性可以講吓自己嘅心路歷程吖。男人都幾要「面」嘅，好難係人地面前認低威，真係好唔掂都唔會肯講比屋企人知。可能係驚令親人擔心，又有可能係驚有損「尊嚴」。平時威慣惡慣嘅就更加嚴重，好難可以放低尊嚴，日後唔知點面對家人。 儀：但係最困擾人嘅，就係當自己嘅困難未解決，我地就無可避免要面對另一個困難，就係自己漸漸陷入一個叫「刨薄關係」的境況裡面。 忠：「刨薄關係」？ 儀：意思係你太自我中心，對人又無耐性，慢慢已經唔識得同最關心你嘅人相處，溝通越來越少。關係就越來越薄。當自己有生活壓力嘅時候，因為面子關係唔同家人講，自己壓力得唔到理解同舒緩。情況就會越來越差，生活壓力只會越來越大。 忠：我明白啦！由呢個角度睇，「刨薄關係」都係因為自己唔願意放低「尊嚴」有關。而放低「尊嚴」，就同「謙遜」有關啦。 儀：好醒喎！ 忠：你分析得好啫！ 儀：講翻同家人嘅溝通吖。其實最了解自己嘅好可能唔係自己，而係你最親嘅人，不過我地可能唔夠勇氣同佢地講。 忠：如果我地有勇氣同佢地講，親人往往可以比到好大嘅支持自己，甚至比到d你想像唔到嘅建議比你。畢竟，佢地最了解自己吖嘛。 儀：不過就要對家人坦白，亦要有心理準備承認自己嘅不足或者錯誤。真係要有勇氣開放自己去面對挑戰呀。 忠：好多人都唔肯認自己做得唔好，或者有不足嘅地方。大多數人好自然咁幫自己搵藉口。仲有d人成世人都未講過「對唔住」呢3個字，佢地嘅生命好似比所謂嘅「尊嚴」鎖得好緊。 儀：聖經教導我地要識得認錯喎。箴言28章13節講：「文過飾非的，必不會順利；認錯悔改的，將蒙受憐憫」。 忠：聖經雅各伯書5章16節亦都講：「你們要彼此告罪，彼此祈禱，為得痊癒」。換句話講，如果我地可以「謙遜」d，反而會受人憐憫、原諒同埋接納。 儀：醫治關係嘅第一個步驟就係由謙遜開始。如果你以前對家人缺乏耐性，又或者對人好苛刻，又或者對家人嘅感受有疏忽，「刨薄關係」我地都可以有勇氣放低「尊嚴」，坦白承認自己不足。再努力改善關係。 忠：希望大家開始試下放低「尊嚴」，學吓認錯啦。今晚時間夠啦，我地「聽」晚再同大家傾計啦。再見。 儀：再見。 |
||||
 |
||||
|
||||
網頁比例
訂閱頻道
活水福傳新呈獻