 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
W=Winnie P=Patty M=Mona 第二晚 W：各位朋友你好，我係聖神內更新團體的Winnie P：我係亞Pat，大家好 M：我係Mona， 大家好，歡迎大家收聽「金錢以外」這個節目。昨晚我地剛開始一連五集探討「知足」點樣正面影響我地生命嘅話題。今晚，我地會同大家講下點從知足得到喜樂。 W：亞Pat，你昨天係咪買了一本書給你個仔呀？ P：係呀，我買了一本有趣嘅書，裡面有個故事，我好想同你地分享呀！ M：乜野故事呀，講黎聽下！ P：故事嘅開始，有兩個水桶，一齊被帶到井邊，一個水桶就問另一個 W：你好似好唔開心喎，有乜嘢事呀？ M：埃！我正係道稔，我每次裝滿水，一陣就倒到一滴都無晒，稔稔下，覺得自己無乜意思囉！ W：啊，原來係咁！我就唔係咁稔喇.我一直都覺得我本來係空空而來，但裝得滿滿咁返去。 P：個故事就係咁簡單. W：咁你想分享D乜野呀？ P：我覺得我自己好似第一隻水桶咁，成日忙忙碌碌，做完得個吉，當我唔知足嘅時候，我就係好似佢咁稔 我自己嘅生命。 M：我就反而欣賞第二個水桶嘅態度，特別佢知道自己本來係空嘅，所以佢好能感覺到載滿水時嘅喜悅。 W：咁點解你話第一個桶唔知足呀？ P：知足其實就係安於現狀，桶嘅作用就係要比人用離裝水用，第一個桶因為唔咁心將D水倒晒出黎，所以就有不滿嘅情緒。天主做人，為我地每一個人都有獨特嘅計劃，唔使覺得唔甘心。就好似我咁，我係人地嘅太太同媽媽，盡好我嘅本份照顧老公同仔女係我本份，我唔會因為成日要照顧佢地而唁開心。 W：哈，又令我記起一個故事，有兩個好鍾 意行山嘅好朋友約埋一齊行山，一個就行得好快，好快，希望快D到達山頂;另一個就慢慢，慢慢咁邊行邊欣賞沿途嘅景色，心情好輕鬆。 行得快個個見到佢朋友仲係半山就催佢行快D，因為佢認為上到最高山頂先至可以見到最靚嘅景色，你地話呢兩個人，邊個系享受緊行山嘅樂趣呢？ M：梗系上到山頂先至睇到最靚嘅景色個個喇！ P：我就話係慢慢行，欣賞沿途景色個個嘅心情會喜樂啲。 W：其實只顧追求山頂嘅風光，就會錯過山上沿途好多嘅景色同事物，我覺得慢慢欣賞才可享有更大嘅滿足。 M：我明白喇，我平日不停咁加班，為左可以升職加薪 ，搞到無時間陪仔女，同父母，錯過左好多親子同陪老人家嘅機會，其實同佢地一齊所得到嘅滿足感遠比我系工作上所得到嘅多，所以，如果我想同親人建立一個親密嘅關系，就真系要調整一下自己嘅生活摸式哪。 P：啊，好簡單嗟，多D欣賞自己擁有嘅一切，就能夠知足常樂。 W：今晚時間差不多，聽晚我地講下學習知足另外一個好處啦，拜拜！ P & M：拜拜！ |
||||
 |
||||
|
||||
網頁比例
訂閱頻道
活水福傳新呈獻