 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
W=Winnie P=Patty M=Mona 第三晚 W：各位朋友你好，我係聖神內更新團體的Winnie P：我係亞Pat，大家好 M：我係Mona， 大家好，我地今晚繼續同大家傾下「知足」喎。 P：我想問下各位聽眾，如果你突然間得到一大筆意外之財，你會點用呢? W：我會換間大屋 P：嘩，我都想呀！ M：我就會換架新型號嘅車 P：早幾日我收到一個朋友一個電郵，關於巴菲特嘅故事，你地都知佢係全世界最有錢嘅富豪。 W & M：係呀，佢好犀利架。 P：原來佢將大部份嘅身家都捐出離做善事。 M：亞Pat， 佢咁有錢，梗係捐得起錢啦，又唁使擔心其他野，收音機旁嘅聽眾，你地話係唔係呀? P：佢雖然係好有錢，但好令人欣賞就係， 佢依然住番系個間舊屋，仲擠緊架舊車 M：咁有乜野特別嗟? W：喂，Mona，比著你，你肯唔肯將D錢寧願捐比人，都唔用系自己身上呀? P：係喇，咁先至最難得，從呢件事 睇到佢安於現狀 ， 我覺得佢除左系一個金錢上富有嘅人外，都系心中富有，唔須要靠物質黎滿足自己 M：我都識得有啲朋友好有錢，但仍然追求更多，例如:金錢，名牌，大屋，名廠汽車呀，總 之就係不停咁追求，永無終止喇。 W：物質主義其實系一種態度，你可以富有而且貪心;亦可以好似巴菲特咁，佢富有，但知足。 M：呢個世界有幾多個巴菲特呀? 有錢先至可以幫人假！ W：咁又唔系無喎！我稔起一個人， 佢 真系無錢， 但佢係印度又幫左好多貧窮，病苦嘅人，因為咁，世人都好敬重佢，收音機旁邊嘅朋友，你地估唔估到佢系邊個呢? P：我知，係唔係德蘭修女呀? W：係喇！佢本來係一間貴族學校工作，但有一次當佢見到好多系貧民區裡面嘅人，好可憐，無依，孤單，所以毅然離開工作梗個間學校， 決定去服務窮人 P：佢後來仲創立左仁愛女修會，專服事垂死嘅病人，令佢地臨終時都可以帶住一份尊嚴離世 M：佢邊度有錢去做咁多野呀? P：就係因為 佢呢份無私嘅奉獻，感動左世界各地嘅人， 願意捐助佢嘅工作 W：唔單止咁呀，仲有好多女仔願意加入仁愛女修會跟隨德蘭修女服侍窮人同病人 M：聽起來，德蘭修女同巴菲特都有啲相同，大家都願意放開自己擁有嘅嘢，去幫助別人 W：啊，巴菲特就 願意將擁有嘅金錢去幫助人;而德蘭修女就願意將自己嘅生活去奉獻比有需要嘅人 P：喂Winnie呀，系唔系要咁偉大先至可以幫到人呀? M：我睇 到我地身邊都有好多義工， 願意犧牲時間，勞心勞力去幫助有需要嘅人，我都覺得 佢地都好偉大！ W：簡單d，我地盡心去照顧身邊嘅人，都一樣喇！ P：點先可以放開自己擁有嘅去幫人呢? W：凡事知足，就能夠開心，慷慨施予，聖經都有話啦:施比受更有福呀馬 P & M: 其實好簡單嗟，學會知足，就能放開自己擁有嘅去幫助別人 W：今晚時間差不多喇，聽晚我地再繼續啦！ W, M &P: bye bye |
||||
 |
||||
|
||||
網頁比例
訂閱頻道
活水福傳新呈獻