 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
 |
||||
W=Winnie P=Patty M=Mona 第五晚 W：各位朋友你好，我係聖神內更新團體的Winnie。 P：我係亞Pat，大家好。 M：我係Mona， 大家好。 W：多謝大家收聽「金錢以外」這個節目，今晚係一連五晚有關學習「知足」嘅最後一晚。 各位朋友，我地生命嘅目標係唔係為左擁有更多呢？不斷追求更多會帶黎比我地乜野嘅後果呢？ P：我就係一個好例子啦！因為唔滿意個仔嘅成績，為左想攞高啲分，不斷操練，搞到大家都咁疲累，仲成日同佢發生衝突，破壞母子感情。 M：唔單止咁，時下嘅人，為左追求物質， 搞到狂簽卡數，欠債累累，失晒預算，咁嘅生活，點會唔擔憂呀？ W：哦，不斷追求更多就是貪念，會帶黎不滿，疲累，衝突，憂慮同埋欠債。 P：只要我地唔貪心就唔會有以上嘅後果，唔貪心就等於知足。 M：亞Pat呀，之前幾晚都有講過如何學會知足，收音機旁嘅朋友，你地又記得幾多呢？ P：我記得最緊要唔同人比較，當你睇到人地有嘅野而你無嘅時候，你就要學識去欣賞人地，而唔係要得到，咁先至會時常快樂。 M：我記得要為自己所擁有嘅而喜樂，就好似個水桶咁，時時提醒自己本來係空嘅，當載滿水後就能夠感受個份喜樂。 W：你記唔記得德蘭修女呀，佢放棄原先係貴族學校個份工作而獻身於服侍貧苦，弱小者，佢真係能夠做到貢獻自己擁有嘅去幫助別人，表面佢好似捨棄一切，實質 佢得到好大嘅滿足。 P：我地仲講過一個富有人嘅故事，為左要儲更多嘅榖糧，就重新興建一個大倉房，點知天主問佢: 如果今晚收回你個靈魂，你又可以帶走啲乜呢？ M：你所講嘅永恆事物，對有基督信仰嘅人來講，就是指「永生」 -- 永恆嘅生命？ P：係呀．對未有信仰嘅人，永恆嘅事物可以係指靈性或精神價值有關嘅事物，例如良好嘅人際關係、個人品格同道德價值觀。 M：哦，原來係咁嘅意思。 W：最近我係一本雜誌見到一篇關於香港畫家—亞虫嘅訪問，我好欣賞佢嘅人生哲理，佢其中一句話；一切不快樂，來自比較，比較是理性行為。 佢又話：我面對一塊豆付，覺得好正，你食鮑魚係你嘅事，一有感情，便有快樂，一有理性，便不快樂。 M：仲有呀， 亞虫佢有個孫女兩歲個年嘅聖誕節，當佢拆完禮物就突然昏倒，最後送院搶救無效，至今死因不明。 P：咁可憐牙！ M：但係亞虫話，我們總希望讓所愛嘅人一生幸福，但你有把握嗎？她走得正是時候， 我們給了她一生幸福，她的一生就是兩年. P：佢提醒我地要珍惜身邊所擁有的，好似佢咁豁達嘅人，凡事隨遇而安，真係一個知足常樂嘅好例子 W：聽完亞虫嘅故事，都鼓勵大家做個知足快樂人，一生幸福，多謝大家收聽。 W, P&M：bye bye！ |
||||
 |
||||
|
||||
網頁比例
訂閱頻道
活水福傳新呈獻