 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
|
||||
 |
||||
W：就黎過年喇，我地第一年派利是，要預備幾多錢先岩？ H：你話事啦。 W：仲要買禮盒俾D親戚，話哂第一年，係咪要買D好少少架？ H： 是但啦。 W：問你都係哂氣。一係你俾$5000我買住先，唔夠再俾。 H：下？咁多！上次聖誕節你又話要食Buffet，又話要買聖誕禮物俾人，已經駛 W：你唔好講到好似你俾哂所有錢咁喎。屋企水電煤我負責架，仲有平時買日用品d雜費都唔少錢。食Buffet以往拍拖年年都係咁架啦，聖誕禮物又唔係淨買俾我D屋企人，你屋企人都有份架！更何況你搵錢多過我，俾多D都好應份丫。 H：我唔係咁既意思，我都係講番個實際情況，可以慳D咪慳D囉。其實我都 W：我有幫手架！但好似過年呢D駛費係咪應該你負責? H：我冇話唔負責。（不高興） W：講開又講，你之前話想生BB，咁我地係咪都要儲定錢？ H：我一向都有儲架。 W：但我唔知你有幾多錢呢。（酸溜溜） H：咁一係開個聯名戶口，大家一齊儲錢，專係負責BB既駛費。 W：都得，不過今次講清楚每人儲幾多錢入去，廢事你到時又話我唔幫手…… 以上對話反映很多年青夫婦的現況。礙於傳統兩性角色的規範，即使好多年青夫婦有共識一齊承擔家庭費用，但很多女士心裡面仍脫不開男士應該負責多一點，女士可以少一點的心態。遇有節慶一些額外家庭開支，更加會順理成章認為是男士要負責的項目。但隨著女士賺錢能力增加，甚至比丈夫更好的時候，丈夫亦會反過來期望太太可以承擔更多的開支。 對話中的夫婦正正面對這個情況。太太雖然願意分擔家庭開支，但她認為自己只是輔助角色，丈夫才是主要的負責人，亦希望丈夫能對自己坦白個人財務狀況；而丈夫言語間亦透露對現時財務安排有保留，希望太太可以分擔更多。 面對以上情況，這對夫婦就選擇了避重就輕的方式來處理。二人都對現時的安排不太滿意，但又避免衝突，只輕輕帶過自己的想法，沒有把握機會好好協調、討論。初期的婚姻生活負擔較輕，可能都不會帶來太大的問題。但隨著家庭的成長，如小朋友出生，雙方父母退休等，都會帶來更重的經濟壓力，若夫婦雙方一直於財務分工上不能協調，慢慢會形成一度隔膜，互相懷疑、猜忌，認定對方自私，只顧自己，若加上其他的婚姻問題同時出現，就會為夫婦關係帶來很多的衝擊。 因此，我們建議新婚夫婦要多加留意財務安排的承擔及分工，及早取得共識。於傾談的過程中亦可坦白自己的需要、憂慮，避免一些理所當然的想法，互相尊重及體諒對方的限制，那就自然能夠孕育良好、安全的氣氛去討論。不但可以避免日後有關財務安排問題所帶來的衝突，更可以透過坦誠和開放的討論促進了解，增進夫婦的感情。 |
||||
 返回頁頂 |
||||
| 返回頁頂 |
||||
|
||||
網頁比例
訂閱頻道
活水福傳新呈獻