Untitled Document

活水基金Facebook

普通話「金錢以外」
「金錢以外」《愛•與我同行》
 
《愛•與我同行》 講者：香港公教婚姻輔導會　|　第二集：姻親同住
請等候片刻...
 

如遇問題，請按聯絡我們，讓我們盡快跟進。
  返回目錄  

太太心聲：
結左婚4年，頭2年係最開心。尤其係先生，佢同家人關係唔好，一早希望獨立生活，所以結婚時可以擁有自己既家庭，我地都好投入家庭生活。但係生左小朋友之後就所有野都唔同哂，我地既支出大左好多，屋租又係咁升；加上先生既工作遇到阻滯，影響收入；迫於無奈下唯有搬去同我屋企人同住。我都知道佢會唔開心，覺得尷尬；所以最初佢返到黎一食完飯就匿入房上網，或且好夜先返屋企，我都由得佢；但耐左佢都冇嘗試適應新既生活，都令到我既父母都有微言，覺得佢唔尊重佢地，又唔顧家，返到黎又唔會幫手湊小朋友，錢就更加唔在講。我夾住係中間，真係覺得好為難。我都好想體諒佢既心情，但其實我都唔好過呀，我又要返工，又要湊仔，仲要安撫我父母，我都好想佢可以體諒下我；既然都搬左返去，可唔可以放低多D佢所謂既自尊感呢？而家我有老公好似冇老公咁，咁樣落去再繼續維持段婚姻又有咩意思？


丈夫心聲：
成日都話我唔顧頭家，我可以點幫手呢？最直接就搵多D錢，快D儲夠錢就可以搬走。返親去佢阿媽成日借D兒俾說話我聽，講黎講去咪又係話我俾得錢少，咁咪少D返去食少餐，費事俾你話我痴飲痴食添喇。早返黎咪又係冇野做，夜晚想睇一陣電視又話我開得大聲嘈住訓覺，喂，外父外母9點鐘就訓喇，果個時間我岩岩先食完飯，真係好難配合喎！好喇，出去搵朋友飲野唔嘈住你地休息又話我唔顧家。喂，我而家又唔係出去搞三搞四，搵朋友呻下都唔得？咁又唔得咁又唔岩，真係人都癲！唉，我都好想見下個仔，阿佢玩下，但次次幫手湊仔佢地都多多意見，成日就話我手勢唔岩，驚我整親佢。係呀，佢地講得岩，我真係咩都幫唔到，咁佢地做哂咪岩囉。駛咩我係度姐。


　　其實要三代同住真的不容易，與父母同住除了要適應大家不同的生活習慣外，更加要協調大家相處時會產生的角力。例如：很多年輕夫婦都會想在家居擺設或裝修加入個人的喜好，但若果在裝修之前未能與父母取得共識，父母可能會感覺主權被侵犯，甚至會覺得自己當家作主的角色被挑戰；那麼，作為老爺奶奶又應該怎樣配合年青人呢？首先就是要尊重彼此生活習慣上的不同，很多老人家見到年青人的生活模式少不免多兩句提醒，殊不知就會令到年青人感覺被管束，產生厭煩的感覺；如果有孫兒同住就更加要注意尊重父母的照顧及管教方法，避免侵犯父母管教的主權，長此下去一定會令大家的關係緊張，而小朋友就更加有持無恐，日後更難管教。


　　其實姻親之間相處遇到困難都是正常的，關鍵在於能否及時處理衝突，避免更多的問題累積，做成積怨。同住的子女其實可充當中間人，澄清及協調姻親間的相處困難，避免他們直接衝突。夫妻間的關係是整件事的重心，關係融洽才可以有空間去體諒及包容對方。所以婚後的夫婦一定要花點時間增進感情，增加聯繫感，當遇到問題的時候就更容易解決。
返回頁頂
返回頁頂
  返回目錄