 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
|
||||
 |
||||
A：喂，我最近係FB見到你老公同D舊同學出去食飯喎，唔見你一齊既？你冇去咩？ B：冇呀，個班係佢劇社既舊同學，我同佢地唔係咁熟，廢事出去啦。一陣佢又要照顧我，我又悶，不如等佢自己出去好過喇。 A：唔係喎，你知唔知佢前女友都有去呀？ B：哦，你話阿BELL呀，我見到。仲咩咁問既？(語氣猶豫) A：小姐，你好似好放心咁喎。你見唔到佢地影相坐得好埋咩？唔好話我唔提你呀，我聽D舊同學講，阿BELL同你老公分手之後一直冇再拍拖，唔知係咪仲對你老公有野。 B：唔會掛。嘿，我老公對佢冇野就得啦。 A：咁又唔係咁講喇，你知男人既野，對舊情人緊係有幾分情意既，何況佢地個陣拍左拖咁耐，中途唔係阿BELL自己有第三者，其實佢地都唔會分手。係人都知你老公個陣好鍾意阿BELL架。我同你咁好姊妹先提你咋，你睇緊D好，呢D咁既聚會，俾佢地出多幾次，點知會有咩野發生。 電影電視都唔少呢D橋段啦。 B：咁可以點姐，唔通唔俾佢去咩。次次跟住出去又好似CHECK住佢咁，好核突姐。 A：咩核突姐。結左婚D朋友最好撈埋一齊玩，咁又可以知到佢同D咩人一齊，最緊要同其他人太太都混熟，到時兩公婆真係嗌起交上黎，收風或且搵人做和事佬都容易D啦。 B：乜結左婚唔係應該要尊重大家既生活空間，有各自既朋友咩？同埋佢同阿BELL都係以前既事，我諗都係唔好問咁多，佢而家對我好咪得囉。 A：哦，咁你對佢有信心咪得囉。我都係提下你姐。廢事你好似AMY咁咋。 B：AMY同佢老公有事咩？ A：嘿，你唔好同人講呀，佢老公咪就係同舊情人翻TART囉。如果唔係我做咩突然做埋呢D婆仔角色姐，驚你同佢一樣懵盛盛俾人搶左個老公先知呀。 B：下，咁我應該點做先岩呀…… 現代人講求個人私穩及生活空間，所以為很多新婚或且準備結婚的夫婦來說，個人的戀愛歷史不會和對方分享太多，亦期望對方不會追問。但有時在社交網站見到另一半和前度有對話又覺得不舒服，就算心裡面有很多疑問及擔心，都會壓制下去，久而久之就會影響夫妻間互信的基礎，如果再加上一些小誤會，就很容易引發信心危機，對婚姻帶來很大的衝擊。 在決定要和伴侶交代幾多個人戀愛史或者現在及其他異性的關係，有幾點需要注意。第一，要重質不重量。通常另一半想要知道的是你有多重視他、多愛他；不斷追問你戀愛史目的就是要透過比較去肯定自己在你心目中的位置。與其不斷回答提問，不如多些用實際行動讓對方感受到你有多愛他。 第二，要了解雙方的成長背景以及於感情上的負擔。如果其中一方在破碎家庭長大，當事人於婚姻觀上容易產生較悲觀的想法；又或者在上一段感情遇到很大傷害，都會令到他較難建立信任感，需要多點時間肯定才能夠建立信心。 第三，主動分享自己的期望。如果你對於另一半與異性相處的手法上有不舒服的地方，請你坦白講出你的感受及憂慮。切忌用單打或諷刺的手法去表達，因為這樣對方只會接收到你的敵意而感受不到你裡面的情意，令到雙方都聽不到彼此真正的心意，夫婦關係就自然更加疏離。 |
||||
 返回頁頂 |
||||
| 返回頁頂 |
||||
|
||||
網頁比例
訂閱頻道
活水福傳新呈獻