 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
|
||||
 |
||||
W：我講過好多次喇，你洗完塊碗布要扭乾同掛起佢先得架，成日就咁PAT係度。仲有呀，吹完頭將個風筒擺返係櫃入面呀，成日週圍亂放。究竟要講幾多次先得呀。 H：知喇知喇。(語氣變柔和)阿媽尋晚打黎叫呢個禮拜食飯，有個表姨係外國返左黎，想見下我地。 W：又食！上個禮拜先同你屋企人食完飯。 H：都係食埋呢餐姐，有親戚返黎呢D應酬都冇可避免。 W：我覺得同你結左婚好似仲少左拍耐時間(失落)。唔係去你屋企食飯就係去我屋企。我原本諗住可以多D二人世界架。 H：我知。但都要架，唔通結左婚就唔駛返去咩。我都想探多D佢地，我地阿爸阿媽都老啦。 W：我夠知囉！而家我冇陪你去咩！呻下都唔得咩！ H：得得得。多謝老婆大人。嗱，我地快D生個BB，到時佢地有孫湊就唔得閒理我地咁多架啦。 W：生B？我冇諗過咁快喎。你生左出黎邊度有錢養佢呀？我地連首期都未儲夠錢。 H：唔係喎老婆，D樓價咁貴，儲得黎你都唔細啦，到時變高齡產婦你同個BB都唔好啦。 W：就算唔計層樓，生左出黎邊個同我地湊呀？我阿爸阿媽都大年紀啦，我唔放心交俾佢地喎。唔做野又唔夠錢用。 H：我阿媽話可以幫我地喎 W：千祁唔好！幾多姻親衝突都係黎自於湊BB呀，你係咪想日日都家嘈屋閉！ W：我點知呀！唔好問我。 以上的情況是很多新婚夫婦會面對的問題。由生活習慣、時間分配、姻親相處、以致計劃生育的時間，很多時在結婚之前都未有仔細商量，到結婚之後先至發覺大家在這些地方的期望及意願有很大落差，令到雙方關係開始出現張力，甚至乎形成夫妻間的內在矛盾，如果不及早化解，雙方都會累積很多積怨及不滿。 會出現這些情況，歸根究底就是結婚前的準備工夫做得不足。現在的準新人花很多時間籌備婚禮，由揀選會場、影婚紗相、當日佈置、回禮禮物等全部都一絲不拘，有些還需要找婚禮統籌員去負責，目的只是想建立一個難忘的婚禮，製造美好的回憶。但對於結婚的意義、目的、 婚後對對方的期望甚至日後雙方家庭聚會安排等的細節，為很多準新人來說根本從沒考慮過。以至到結婚之後就浮現大大少少的問題。曾經有一對準新人參加婚前準備課程，女方被問到對於結婚的意義時，她竟然回答結婚就是穿著美麗的婚紗及禮服和大家拍照。當再深入傾談結婚後的生活及角色轉變時，她先察覺原來自己未預備好要負起婚後作為太太的角色。如果這對準新人在婚前沒有參加婚前準備課程，不難想像他們進入婚姻之後會遇到很多困難。 香港其實有很多機構都有提供婚前準備課程服務，課程目的是協助準新人建立一個開放和安全的溝通平台，令準新人可以安心地分享他們的對結婚的想法以及憂慮，分析他們現時在相處上的強項、遇到困難的地方，讓他們加深彼此的了解及找出協調的方法，為建立一段健康的婚後生活奠定基礎。 |
||||
 返回頁頂 |
||||
| 返回頁頂 |
||||
|
||||
網頁比例
訂閱頻道
活水福傳新呈獻