 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
|
||||
 |
||||
俗語說「相見好，同住難」。新婚夫婦在生活習慣上都要有一定的協調，大家都聽很多關於「用牙膏」的例子，其實生活習慣上的適應不只這些，不如我們聽聽阿儀和阿聰的故事！ 阿儀：我哋已經好耐冇一斉食飯喇，你日日都咁夜番，成日都得我一個！仲有，你可唔可以嗰日唔番嚟食，早D出聲，買唒餸你先話唔番嚟食！成日都係咁！ 阿聰：咁我點知我嗰日做咩唧，D朋友，都係即興咁約㗎啦！仲有我以前阿媽都係差唔多時間打嚟問我㗎啦，加上我多數出街食，我真係未習慣會打番嚟.. 阿儀：咁你依家習慣下得唔得！依家我哋兩個人生活，同你以前喺屋企好唔同！ 阿聰：好喇，好喇，唔好嘈喇!我盡量啦，好唔好!咁你又好唔好唔好成日攪我D衫褲鞋襪，攪到我朝早搵來搵去都搵唔到！ 阿儀：你仲好講，我幫你執，你仲話我，你D嘢亂七八嘈！ 阿聰：我知D嘢放喺邊咪得lor，我返到屋企想輕輕鬆鬆，依家你每日都俾十項規矩我，好似返工咁，好煩呀！ 阿儀：你想輕鬆，我夠想啦，我放工番嚟，仲要煮飯、洗碗呀，你有無幫下手吖… 阿聰：咁你咪唔好煮lor,都叫咗你出去食架啦 阿儀(獨白)︰ 我同社工張姑娘傾完，都真係覚得明白咗好多，佢幫我明白番先生嘅性格同成長背景。佢同我介紹十六種性格分析，讓我知道先生係一個較即興但有彈性嘅人，對於時間表不太著意，咁有係喎，由我識佢到依家，佢都唔用schedule ,佢話係唒個腦度，而我真係平日出街都會有個planning ,當日to do list ,之前我都冇在意我哋之間嘅唔同，當中真係需要協調。例如:家務嘅分工、作息時間嘅安排等等，仲有要了解大家對婚姻不同的期望，好似對婚後自我空間需要嘅期望，原來兩個人真係有好多嘢要協調，唔可以好簡單就將個問題簡化成為夾唔夾，我哋來自兩個家庭，唔同嘅成長背景，生活習慣有唔同其實真係好正常。等我都叫下阿聰同我一齊去見下張姑娘先! 婚姻係係另一個階段去了解對方，互相配合調節，而唔係期望對方要跟自己的生活方式，如果可以好好表達自己的的想法，促進彼此了解，而不是帶著批評和責怪，大家慢慢一定可以適應婚姻的生活。 |
||||
 返回頁頂 |
||||
| 返回頁頂 |
||||
|
||||
網頁比例
訂閱頻道
活水福傳新呈獻