 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
|
||||
 |
||||
一句陳舊的說話：「結婚是戀愛的墳墓」。當中大概是指婚後失去了當初拍拖時的情懷，沒有激情，沒有浪漫。隨著網上軟件的推陳出新，whatsapp，facebook等都讓我們看到很多歷久常新的愛情故事，印證著結婚並不是戀愛的殺手，兇手反而是夫妻間的不同性格和溝通模式。 正如以下既情境： 文：做咩唔覆我whatsapp嘅？咁你幫我交咗電話費未呀？陣間cut我service就煩喇﹗ Helen：你whatsapp我，除咗吩咐我之外，就無其他嘢嗱？ 文：咩其他嘢呀？ Helen：你以前都唔係咁嫁﹗ 文：咩唔係咁呀，都唔明你講乜﹗ Helen：我講以前呀﹗ 文：咩以前呀？ Helen：你諗吓﹗ 文：呀老婆呀，我呢排真係好忙，你放過我啦﹗ Helen：忙﹗只是你忙？我好得閒？﹗ 文：我唔係咁嘅意思，我想話…… Helen：你想話咩？咩吖？ 文：我想話我地結咗婚，一齊組織咗個家庭，應該要向前望，唔好只係睇翻以前。 Helen： 唔好向前望？﹗你諗吓你結婚前，一日會whatsapp我幾多次？會寫啲咩俾我？你依家除咗吩咐我做嘢之外，連覆我whastsapp都嫌麻煩呀﹗ 文：咁我份工係咁忙，你知嫁﹗況且我地放工都會返屋企，到時大把時間傾啦﹗係咪？ Helen：唔係咁嫁﹗唔同嫁﹗ 文：有咩唔同啫？ Helen：你變咗喇？ 文：我有咩變呀，變咗啲咩呀？ Helen：你變咗隻烏龜呀﹗死烏龜﹗ 文：咩烏龜咁難聽呀？﹗ Helen：冷血動物﹗無感情﹗無情趣﹗淨係識得計呢樣，計嗰樣，翻到屋企就淨係識得同我講點樣儲錢，點為將來計劃，你知唔知我想要啲咩嫁？﹗ 文：老婆…… Helen：唔好叫我老婆呀﹗烏龜﹗ 文：咁你係我老婆，唔叫你老婆，咁叫你咩呀？ Helen：總知唔好叫我老婆啦﹗死烏龜﹗ 文：死烏龜？﹗你係咪想嗌交先？ Helen：好呀﹗想點嗌呀？﹗ 就是因為一些瑣碎事，阿文和Helen由開始頂撞，至現在經常爭吵，對彼此關係已造成一定影響。Helen愛美富創意的性格，隨心所想的向阿文表達關心，同時亦希望獲阿文溫馨的回應；但阿文作為這小家庭的男主人，重視如何為將來籌劃一個穩定而安全的家的感覺，其實兩者並無衝突，但為何他們的爭吵情況漸變嚴重，相信與他們的性格和溝通期望有好大的關係。經常聽到人說，婚姻是一凹一凸的結合，而阿文和Helen他們都是被對方的不同性格和長處所吸引，為何會產生如此的衝突呢？分別是婚前的阿文，有計劃地注視及欣賞到Helen的性格和特質，亦捉摸到Helen的心靈上的需要，同時間亦能展示出Helen本身所缺乏的才華，故能將兩個截然不同的人拉在一起；反之，婚後的阿文，他的性格其實沒有轉變，但重點放於籌劃家庭的將來，減少了注視Helen對溫馨和感性層面的需要，產生了溝通上各走各路的情況，而未被滿足的Helen，根本再難注視到阿文為家庭的將來所花的心力，而形成衝突。 回歸最初，資訊科技、通訊器材都只是死物，必須靠使用者善用，才能發揮它們的效能。如果阿文和Helen能夠好好的表達自己的需要，尋找彼此能接受的溝通模式，緊記對方的不同性格正正是自己的補品，相信會更有助建立親密和甜蜜的婚姻關係。 |
||||
 返回頁頂 |
||||
| 返回頁頂 |
||||
|
||||
網頁比例
訂閱頻道
活水福傳新呈獻