 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
|
||||
 |
||||
正值農曆新年，在此祝願大家馬年身體健康，萬事勝意！ 中國人的家庭，對農曆新年這個大節日，一向都十分重視，不論是辨年貨，期間到親友屋企拜年，都有很多禮節需要兼顧。 文：老婆...... 嬉！嬉！Helen！ Helen：咩事呀？ 文：幫手睇吓仲有無嘢漏？！ Helen：阿爸阿媽鮑魚，外父外母鮑魚，二叔二嬸花菇，伯娘就海参…… 喂！傻佬，年年都係呢啲，你唔悶，收嗰都悶啦，你有無啲新意嫁？ 文：年年都係呢啲嫁啦，係咪外父外母佢地唔鍾意呀？咁佢地今年想要啲咩呀？ Helen：唔係！只係我覺得年年都一樣，想攪攪新意思啫！ 文：咁你有咩新意思？ Helen：其實你覺唔覺每年由年初一至年初七都去同一個地方，做同一樣嘢，好悶又好攰嫁！ 文：咁你想點呀？ Helen：其實，根本大家親戚都識嫁，都唔明點解要逐家逐戶去拜年，食來食去都係嗰啲嘢，唔食滯都食厭啦。你話如果可以一次過搵個地方，叫齊曬所有親戚，一次過，又慳時間，又唔駛食咁多餐，你話幾好？起碼我唔駛減肥減得咁辛苦啦！ 文：唔係咁講嫁，我地係後輩，梗係要去佢地屋企，無理由要佢地調返轉向我地拜年嫁。 Helen：我都唔係話要佢地嚟我地度，我係話搵個地方，一齊食飯，順便咁多家人一齊聚吓，平時都好少咁嘅機會，你話幾好！ 文：你估公司團拜咩！梗係唔得啦！佢地唔會鍾意嫁，到時俾說話阿爸阿媽聽就仲煩。 Helen：唔係呀！上年先聽佢地講話咁樣都唔錯嫁。 文：佢地講吓你就信？！ Helen：你有無問過佢地呀？佢地有話唔好咩？ 文：我對咗佢地幾十年，你話我熟佢地，定你熟佢地多啲？ Helen：我覺得係你唔想多啲囉！佢地上年明明係咁講，仲講到好認真嫁！ 文：你信我啦！佢地唔會鍾意嫁！問佢地咪等佢地以為我地唔想同佢地拜年？！ Helen：點解你咁鍾意估佢地點諗，反而唔可以好好同佢地講吓？況且係佢地上年自己講，你只係問翻佢地確定吓，佢地話唔好先再諗。再講，你話呢個安排有咩唔好？！ 文：唔係話唔好，而係明知行唔通，就無謂俾人講閒話啦！ Helen：我都唔明點解你有咁多嘢驚，你係咪有驚恐症呀？ 文：咩驚恐症呀？你又講咗去邊呀？ Helen：咩講咗去邊呀？係你由頭到尾都唔講道理，唔聽人講，食古不化，一乘不變，船頭驚鬼，船尾驚賊…… 文：嘩！學人玩四字詞呀！我都唔弱嫁。我話你無是生非，有前無後，打死把就…… Helen：好呀！又想搵交嗌呀！ 我們很多時會發現，能夠成為戀人是被對方獨有的性格所吸引，就是這些不同讓他們走在一起。但在結婚後會發現這些不同會變成一個問題。從阿文和Helen的例子來說，他們有不同的看法，不同的價值觀，於是導致衝突。在衝突的過程中，他們只想說服對方，和對方不斷講理，卻忘了彼此的情。試想想，有幾多戀人在拍拖的時候，以理行先，會能夠走上結婚之路？其實，婚姻也好，家庭也好，應以情為重。假若阿文和Helen能以情出發，細心聆聽一下對方的看法，不用反駁，肯定對方良好的意願，欣賞對方的提議，從而再以理去尋找彼此的共識，那樣更能建立正面的溝通模式，處理雙方因不同的價值觀而產生的矛盾。 |
||||
 返回頁頂 |
||||
| 返回頁頂 |
||||
|
||||
網頁比例
訂閱頻道
活水福傳新呈獻