 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
|
||||
 |
||||
男女二人由戀愛走進婚姻，由兩個完全獨立的個體，進而變成二人一體，兩個人的不同性格會影響自己解讀對方的語言，甚至變成誤解，所謂「牛頭唔搭馬嘴」就是這個情況。那麼，牛頭和馬嘴怎樣才可以溝通到？第一步可以先了解自己和對方的性格特點。 Grace：喂，Helen, 新婚都咁得閒搵我呢個朋友飲野呀？你同老公好s-weet 啦！ Helen：唉Grace, 你有所不知啦，好既時候就好LOR, 但係我地又成日為左D無謂野嗌交...... 前幾日先嘈完，唔想返到去對住佢又無野講LOR。 Grace：嘩，你地結婚無幾耐就咁，唔係好得WOR……我聽人講有D婚後既培育活動，都幾好架，不如你地試下去玩下啦，等我即刻上網睇下先。 Helen：嘩，得唔得架？咪又係果D好悶既TALK講埋哂D係人都識既野，都無咩新意架啦。一唔係就淨係對住個社工係咁講，悶都悶死啦，都係唔好啦。。。 Grace：喂，唔係WOR, 你睇下呢個廣告，「夫妻性格對對碰」，講九型人格架，你唔好當咩婚姻培育，去玩下性格測驗，知道自己係咩型，對工作同生活都有用丫，又唔貴，你同你老公一齊去玩下LOR。仲係一大班人咁一齊上，又可以識下新朋友，咁都幾岩你丫。星期六你地都無野做架啦，咪當係去拍拖既活動LOR，係咪先？！ Helen：咁...... 你又講得岩既。 張姑娘：各位，大家好！歡迎大家參加呢個「夫妻性格對對碰」工作坊，我係社工張姑娘。其實人既性格係無分岩定錯既，重要既係明白自己同你另一半既特點，並且向著健康的方向發展。用九型人格黎講，簡單可以分為三類，有D人係屬於「情感型」既、有d就係「頭腦型」既，有d就係「丹田型」既。「丹田型」既人係活於眼前既，比較憑本能去行事，容易感到憤怒，對於公道／公義係非常執著，靠本能做事，撞板機會高，係從嘗試中去學習既人。 阿文︰上完呢個堂之後，我發現原來Helen係屬於「情感型」既，好似狗仔啦、孔雀啦、同埋貓仔咁，過去的事情同感受為佢地黎講好重要。佢好信人地講既野，尤其係一d佢地好信任既人，佢地講咩佢就信咩架啦，唔會去求證既。係同Helen拍拖既時候，佢好著重約會既氣氛同心意，佢會鍾意我用銀紙摺個心比佢，多過我送一條手鍊比佢。原來，佢係重情多過重理既！我又好似了解佢多左d啦。 Helen︰啊！上完個堂我既感覺好好呀！嗯，阿文係「頭腦」人，未睇清楚就唔會行動既，唔怪得佢成日都要計劃計劃，又驚呢驚路，原來就係呢個原因！諗返轉頭，係拍拖果時佢plan既約會又真係好細緻既！佢唔會咁容易人地講咩佢就信，佢會自己去搵資料搵一大餐，係有證據覺得係真既，先至會信係真架！咁樣既佢，雖然有時係煩d、豬油糕d, 但係就好可靠、好比到安全感我lor！ 兩公婆彼此認識更多，可以令自己的人格更成長、成熟，而且還可以循序漸進地擴展；同時，當我們明白一些性格特點，就可以更加包容對方。其實這些道理大家都明白，不過要學起上的話，就真是可以用一世來學習！ |
||||
 返回頁頂 |
||||
| 返回頁頂 |
||||
|
||||
網頁比例
訂閱頻道
活水福傳新呈獻