Untitled Document

活水基金Facebook

普通話「金錢以外」
「金錢以外」《愛•與我同行》
 
《愛•與我同行》 講者：香港公教婚姻輔導會　|　第九集：源生家庭
請等候片刻...
 

如遇問題，請按聯絡我們，讓我們盡快跟進。
  返回目錄  

　　兩夫妻在同一屋簷下生活，有很多過往的生活習慣和慣性思維模式會影響二人的溝通，而那些源生家庭的影響，有時會令我們在不知不覺間要求對方都要照樣做。所以，婚姻在某程度來說，並不只是兩個人的事，而是兩個家族的事。我們的成長和家庭會影響我們的婚姻生活。就好像阿文和Helen，我就為他們做了以下的練習︰


　　而家，等我地一齊合上眼，回到童年，一齊諗返以下既情境︰


  • 當你讀幼稚園既時候，你鍾唔鍾意返學既呢？係爸爸定媽媽湊你返學多D？
  • 讀小學既時候，學校派成績表啦，你會比邊個睇呢？佢會有咩反應？
  • 你既打扮係點架？屋企會唔會有D規矩或者習慣呢？例如點樣為之太暴露？
  • 你既父母係點樣相處架？
  • 你既爸爸媽媽教你，做人最緊要係咩呢？
  • 而家請你諗一諗，你既爸爸在屋企係一個點既丈夫？
  • 再請你諗一諗，你既媽媽在屋企係一個點既妻子？


阿文獨白︰
　　我既屋企係一個嚴謹既、有唔同規矩既屋企，由細到大父母都要我學會獨立，話男人要負責任，做人要有禮貌、有計劃，而且人與人之間都有一定既界線，唔可以越界。所以遇到Helen既時候，就比佢既熱情奔放、隨心所欲所吸引。只係結左婚之後，我就覺得有時Helen太過無計劃，太過想點就點，我就覺得點解佢會係咁。原來係同佢既屋企既氣氛係有關既。


Helen獨白︰
　　我父母係好隨心所欲既，所以係我細個果陣，佢地好多野都已經比我揀，比我自己話事。佢地從來唔會迫我學呢樣學果樣，又唔會話一定要點要點，所以我都習慣左自己話事，唔會有好多規條bound住自己。阿文係一個有計劃、有責任感既男人，所以同佢一齊我覺得好安全、好舒服，我可以盡情去做我想做既野。但係結左婚之後，我就覺得佢變得好煩，做起野上黎畏首畏尾咁，仲好似隻烏龜咁慢條斯理。。。原來呢個諗法只係一個銀仔既兩面，我其實就係比佢既責任感同有計劃既特質所吸引。嗯，以後都要提醒自己唔好只係識得埋怨，反而要多D欣賞佢呢D優點呢！


　　其實，父母間的相處，會直接影響自己如何建構性格，以及對婚姻和配偶的看法。源生家庭就像是給予我們一副眼鏡，去看身邊的人和事（例如是金錢、子女）。每個人多少都會受到家庭的影響。婚姻是新的開始，姻親、工作、經濟或子女等都是在不同階段中會出現的衝擊。很多時候，我們會在不知不覺間重複父母處理問題的負面方法。所以我們在開始新的階段時，要辨別哪些是正面及負面的影響。在遇到問題時包容自己未來的配偶。其實，源生家庭給予我們的只是「影響」，並不是「決定」我們將來的家庭。每個成熟的人都要肩負起成長的責任，選擇一個合適二人新家庭的「眼鏡」。
返回頁頂
返回頁頂
  返回目錄