 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
|
||||
 |
||||
Sam和Jenny拍拖3年，結婚12年。 Jenny：Sam，我發覺最近你變了很多，突然注重起外表來，又跑步、又減肥、又買衫，你究竟搞什麼？ Sam：老婆，你成日話我不修編福，我咪的起心肝，減走我嘅大肚腩囉。你…咪亂諗嘢呀！ Jenny：真係？我講咗咁多年你都冇反應，點解現在才的起心肝？你咪呃我呀！ Sam：老婆，你真係醒。其實我早排驗身，醫生話我脂肪高，建議我要減肥。我返到屋企，望住塊境，覺得係時候要執吓自己啦。再睇番我個靚老婆，咁多年都咁‘正’，生咗兩個小朋友身材都冇變，我諗我都要努力啦。 Jenny：老公，我真係唔介意你肥喎，身體健康才最重要。你都肥得好可愛呀，不過我都好懷念你140磅時的樣子。有時我只係覺得你過份求其，烏‘where’咗少少啫，其實我覺得無論丈夫定太太都要注意自己的外貌，這是對自己及配偶的一份尊重。隨著年齡的增長，我們會老，會有皺紋，這是不能改變的事實。我只希望大家都整整齊齊，乾乾淨淨，讓自己精精神神就可以了。 Sam：你都講得好啱。喂喂，我以前真係好烏‘where’嘅咩。我諗住男人唔需要咁姿整啫，費事咁靚仔吸引人啦。 Jenny：嘻嘻！以前同你出街，見到你有時冇剃鬚，D鼻毛又突咗出嚟，間中又有口氣，其實都幾難頂。丈夫要求老婆要入得廚房，出得廳堂，其實老婆對老公都有要求嘅。維持自己對配偶的吸引力，是維繫婚姻的其中一個要素，你都唔希望我嫌棄你的。 Sam：絕對同意，不過老婆，我覺得除了外貌之外，內在美都好緊要嘅，你唔覺得我好有內在美咩。 Jenny：我當然睇到啦，咁多年都係靠睇你嘅內在美維繫婚姻架啦。 Sam：喂！ Jenny：講笑啫老公。當然內在的修養也很重要，好似你教呀女呀仔做功課時，那份耐性及專注是很吸引人的。我就冇這份修養，經常發火。 Sam：老婆，我對你都好有耐性及專注架。好似出街前呆等你扮靚，眼中只有你同d仔女，好專注架。 Jenny：嘻嘻，多謝老公。 心理學家研究，在人際關係中，我們對人的感覺來自對方給自己的第一個印象，這份印象是很難修正的。對方的外貌，氣質，形成你對他的初步印象。有些太太婚後忙於工作，忙於照顧家庭，忙於照顧身邊的人，最後忽略了自己，沒有時間及空間留給自己。不妨望一望境中的你，你喜歡她嗎？你有沒有嫌棄她？是不是現在開始要關心自己？又有些丈夫婚後原地踏步，在表達情感的能力上依然被動，太太在婚姻生活上依然孤單。丈夫介意太太婚後變成黃面婆，與社會脫節，其實太太又可嘗不希望丈夫是一個體貼細心，風度翩翩的君子。當然外表的追求是有限的，變老並不可怕，可怕的是我們都嫌棄自己，不再喜歡自己，同時亦停止去學習做一個懂得與人相處的人。從今天起，我們一齊學做一個內外兼備的人。 |
||||
 返回頁頂 |
||||
| 返回頁頂 |
||||
|
||||
網頁比例
訂閱頻道
活水福傳新呈獻