 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
|
||||
 |
||||
婚後的你，曾否抱怨配偶或被配偶埋怨沒有心思為對方製造驚喜，尋找浪漫元素？或許單身的身份，會讓大家感到壓力，因為存著變數，故蜜運中的男女必須保持危機意識，保持競爭力；而在婚後因已落實，故心態有所改變，變得好逸惡勞，因而忽略婚後約會的重要，就好像以下一對夫婦： 老公：老婆！星期六你駛唔駛返工呀？ 老婆：唔駛呀！ 老公：唔駛呀？咁有咩嘢做呀？ 老婆：無呀！你話事啦！ 老公：咁呀？近期有咩戲好睇呀？ 老婆：唔知喎！ 老公：咁你想唔想睇戲呀？ 老婆：無話想唔想，有啱咪睇囉！ 老公：咁你想食咩呀？ 老婆：你話事啦！咁你究竟係想約我去街？定係想叫我幫你諗節目呀？ 老公：咩呀？我係見星期六大家都唔駛返工，喺屋企無嘢做，咪諗吓做咩好？問吓你意見，費事到時唔啱你心水啦！又俾你話啦！ 老婆：我幾時有話過你呀？ 老公：無？上次結婚週年紀念，同你去食飯，你成餐飯粒聲唔出，問你咩事又唔講，都唔知你想點。 老婆：你仲好意思講，你去來去去都係嗰幾間，我都算喇。你明知我喉嚨痛，仲同我食韓國燒烤，你仲想我點呀！ 老公：咁我問你就話無所謂，我見你嗰排話想去韓國旅行，咁咪同你食韓燒囖，點知你突然間喉嚨痛啫，咁即時好難改地方嫁！ 老婆：你有心做，有咩咁難呀？！打開openrice隨便都搵到幾十間啦！ 老公：咁我嗰日成日都未停過，真係好忙呀！ 老婆：係！你公司啲嘢，緊要過同我慶祝麻？你結婚前都唔係咁嫁，你個心去咗邊呀？ 老公：我個心去咪係度囉！ 老婆：係度？以前你幾忙都會搵吓啲新餐廳，同我行吓海邊，搵張十蚊紙摺隻戒指俾我，你依家？每次淨係識得坐底食飯，送花，跟住就返屋企，你仲話你個心喺度？！ 老公：哦！原來你想行海邊，收戒指，你早出聲麻！ 老婆：我唔想同你講嘢！我邊到都唔去喇！ 老公：做咩又唔去呀？老婆………. 其實，一個有計劃的約見，是希望對方感受到被重視。然而，被重視這種感覺，無論婚前婚後都同樣重要。試想想，誰會不喜歡被重視呢？縱使他不愛驚喜，但若能花點心思，其實是對對方角色的肯定。故此，我們在婚後更加需要在這方面花功夫。另一方面，一個有心思的約會，往往能增進彼此親密感的重要元素，但往往被夫婦，特別是婚齡較長的夫婦所忽略。聲完這個故事，希望你也能夠為你的另一半，準備一個難忘的約會。 |
||||
 返回頁頂 |
||||
| 返回頁頂 |
||||
|
||||
網頁比例
訂閱頻道
活水福傳新呈獻