 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
|
||||
 |
||||
婚姻中的親密關係，「性愛生活」是個異常重要的環節。健康而彼此水乳交融的性生活，更可促進恩愛而發展恆久的夫妻關係。但香港人生活緊張，要達至水乳交融的性生活談何容易。 芷瑩：我同偉文結婚5年，我們初期好開心的，佢好體諒我，每日我放工回家，他都和我傾計，一齊食飯，之後佢仲會攬住我一齊睇電視，我感到好sweet。如果佢有親熱的需要，佢會對我好溫柔好細心，我當時真係好開心，覺得自己嫁咗個好老公。但自從bb出咗世之後就唔同哂，佢不單止唔顧我嘅感受，有時我好累，唔想同佢親熱，佢竟然會發脾氣鬧我，有一日我仲發現佢上網睇三級片，之後要我學吓片中的女主角，有冇搞錯，我真係好嬲，佢當我是什麼，有沒有尊重我的感受。 偉文：我好想芷瑩知道我不是變態，不是咸濕，我係一個正常的男人，有性需要嘅。佢知唔知道自從bb出世後，佢都變咗，佢好緊張bb。有時我同佢親熱時，覺得佢好似心不在然，草草了事，我好冇癮的，甚至會懷疑自己的能力，係咪無法令佢開心呢？我知佢忙，我咪盡量唔煩佢囉，等到有需要時至搵佢，等佢成晚都係想親熱吓啫，點知佢一手推開我，話好累，唔想親熱，想瞓覺，真係一盤冷水倒下來，所以我咪上網自己搞掂囉，點知比佢發現佢又嘈，喂想點呀。 芷瑩：我當然知道你有性需要啦，我都有架，我只希望你體諒我，我放工回家，要照顧bb同bb玩一陣，之後要食飯沖涼，餵埋奶曖埋bb瞓覺，望吓個鐘都已經11時，我真係好累，真係冇精神同你親熱，有時我只想你攬吓我錫吓我已經好夠，但你好似收唔到，只想同我做，我唔係要這些，你明唔明，有時我諗如果你攬我多d，錫我多d，我會冇咁擴拒同你親熱，漸漸我只好避開你。 偉文：老婆，我當然重視你的感受，我想你知男人同女人唔同，我好享受同你親熱，過程令我好有滿足感，我從來都冇當你是工具。透過性生活，我覺得同你好親密，好有愛的感覺。我希望雙方都能享受，而不只是敷洐了事。我上網睇三級片只希望增加一點情趣，男人有時需要感觀上的刺激，我唔希望性生活變成例行公事。 芷瑩在BB出世後倍感壓力，既要返工晚上回家又要照顧BB，初為人母的喜悅及責任感讓她忽略了夫妻關係也不足為奇，如果婚姻生活不如意，為了逃避問題，很多時雙方只會專注照顧子女，於是夫妻感情更疏離，孩子有時會是婚姻的第三者！偉文有情感上的需要，他希望由性建立親密感，他以為改善性生活便可以改善婚姻關係，豈料惹來太太的反感，自己亦不開心。女士有時會著重情感的滿足多於肉體的滿足，丈夫希望有和諧的性生活就要從照顧太太的情緒開始，要尊重太太，讓太太有被愛的感覺，不可為滿足自己的私慾對太太有過份的要求。當然太太亦要盡量配合，如果感到為難就要出聲，千萬不要因為性的話題難於啟齒而啞忍。真的解決不到，就要尋求專業人士幫忙。 |
||||
 返回頁頂 |
||||
| 返回頁頂 |
||||
|
||||
網頁比例
訂閱頻道
活水福傳新呈獻