 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
|
||||
 |
||||
根據政府統計處2012年的資料，香港男性結婚年齡的中位數是31.1歲，而女性則是29歲，如果婚後夫婦希望二人世界長一點，女士很容易便踏入高齡產婦的年齡，再加近年樓價高企，置業困難，難怪很多年輕夫妻對生育卻步。其實生與不生決定，是否單純只是兩夫婦的個人意願呢？個人的宗教信仰，雙方父母的期望等，都是考慮的因素。 子鵬：美儀，我真係好想做爸爸，好想有我們的愛情結晶品呀，你唔想咩？其實生BB有乜嘢唔好啫？你有什麼擔心呀？我應承你我一定會幫手湊BB，平時我都有做家務架，你怕什麼呢？ 美儀：之前都講好話唔要BB架，點解你忽然間又話要生啫，做父母責任好大架，唔係你想得咁簡單。生咗邊個湊呀，間屋又細，生咗大把嘢煩呀。BB的時候要同人爭奶粉，大D要同人爭幼稚園學位，又要栽培佢，幫佢報興趣班學嘢，跟住幫佢報小學，中學，又擔心佢學壞，總之好煩呀，我唔想背負呢個責任呀。 子鵬：我都話同你一齊背負囉，你諗吓，有咗小朋友，我們會多咗共同話題，多咗共同目標，老咗有子女陪伴，不用孤令令咁慘。再加上我父母得我一粒仔，佢哋都想抱孫架。仲有呀，你信教架，唔係話子女是上天賜的一份禮物咩，點解你唔想要啫。 美儀：你錯了，第一：你之前冇同你呀爸呀媽講過我哋唔生嘅咩。第二：子女大咗會有自己的世界，那有時間陪你呀，你依家都唔係成日返屋睇你呀爸呀媽啦。第三：依家你同我一齊好悶咩，有咗仔女你估我們仲可以年年去旅行咩？你可以成日換新手機咩？可能我連做facial嘅時間都冇呀！仲有呀，你依家晚晚差不多成9時才放工，到時咪剩低我一個響屋企做湊仔婆。至於宗教問題…你唔好搵宗教大我呀。 子鵬：到時有BB我就唔會咁夜收工啦，講來講去你都係自私，唔肯付出，怕承擔責任。 美儀：我費時理你，你咁鍾意生，搵第二個生啦。 生與不生育，真是一個很難的決定，子鵬和美儀各有不同的立場，縱使他們在婚前已有共識，但當其中一方有轉變時，衝突還是會發生的。 有人話做父母是人類的一份天職，如果真是天職的話，生育與否再不是一個選擇的問題，而是理所當然的事。自古至今，人類的生命得以延續，就是因為我們承擔了傳宗接代的責任，這是對生命的一份尊重。如果單純為了逃避責任而選擇不生育，這是不是一個理想的決定呢？當然香港這個大都會並未能為生育下一代營造理想的客觀條件，細小擠迫的居住環境、極度沉重的工作壓力、雜亂無章的教育制度……，這一切都令很多夫婦不禁對生兒育女的職責望而生畏，害怕承擔責任，其實是冇信心，害怕自己的能力不足，這是可以理解的。 但是我們仍然衷心鼓勵所有夫婦勇敢地接受為人父母的天職，並確認生育教養子女是一份天賜的福氣！生兒育女能為夫婦開展婚姻生活豐盛的另一頁，藉著新生命的出現、父母子女及兄弟姊妹之間的親情關愛、彼此擔待與相互犧牲……，讓成人或小孩都能從中學習，一起成長，活出人性的真善美。 |
||||
 返回頁頂 |
||||
| 返回頁頂 |
||||
|
||||
網頁比例
訂閱頻道
活水福傳新呈獻