 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
|
||||
 |
||||
生兒育女，為人父母，無論在華人或西方社會，都是一件正常不過的事。確實，看著別家的孩子天真可愛，為家庭增添生氣，確令不少夫妻嚮往，但有幾多對夫妻在計劃生育前，已能理解將會出現的情景，能在軟件上及硬件上都能做足準備，否則，好可能出現以下情況： 老公：係喎！我聽啲同事講，要開始報幼兒班，仲話要面試添，咁我地個仔幾時要開始報呀？ 老婆：你依家先嚟問，一早咪同你講咗要同佢報playgroup先，有啲幼兒班原來一出世就要報喇，我地個仔都遲咗喇！其他嗰啲就9月開始要報喇！ 老公：駛唔駛咁誇張呀！ 老婆：等你喎？！我地個仔聽無書讀啦！遲啲仲要預時間同佢面試呀！你得閒就同呀仔玩多啲，等佢肯跟吓你，唔駛好似佢得個呀媽先得嫁！ 老公：咁佢唔跟我都無計嫁，唔通夾硬捉住佢咩？！ 老婆：係呀？！ 老公：喺呀，老婆！我地都好似好奈無二人世界囉，我地幾時可以整翻個燭光晚餐呀？ 老婆：你估我唔想咩！要行得開先得假，呀仔仲咁細，我地日頭已經返工，我想疼夜晚可以抽多啲時間陪佢呀！ 老公：我都明，我都唔係話晚晚都要二人世界，間中一晚都得喇，依家姐姐都凑得幾好呀！我今日上網見到有間自助餐好多人讚，不如我地試吓啦！ 老婆：自助餐？伙係邊頭呀？幾多錢先？ 老公：正嘢嚟嫁，尖東好方便，五佰左右，超抵呀！ 老婆：尖東咁遠，有咩事要返屋企要成個鐘，仲要成五佰幾蚊，我地兩個人加埋成千蚊，都係唔好喇！ 老公：又唔係成日食，間唔中一次，無所謂啦！ 老婆：不如留翻個仔報playgroup啦！不如我地響屋企附近搵間餐廳食個燭光晚餐，兩個人五佰幾蚊都幾好食，又近屋企，好唔好？ 老公：咁不如食樓下大記鐵板餐啦，又近，兩個人佰多蚊就攪掂！ 老婆：唔好咁啦！老公！個仔仲細麻！ 老公：唉！有個仔，老公就無曬地位喇！ 老婆：老公！錫翻你補數喇！ 老公：啍！老婆，錫翻就算數喇！我地成個月都無sweet囉，不如…… 老婆：我好攰呀！不如第二晚先啦！ 老公：唉！我訓先喇！ 老婆：老公…… 確實，上面一對小夫妻所面對的情況，只是為人父母者的冰山一角。當孩子出世後，我們不單作好準備，準備帶來轉變和負擔，準備多些一個家庭上的角色及崗位。然而，若夫妻間在生育前未能好好準備，不單在硬件上，例如：經濟、居住、日常照顧上會出現亂子，更重要是會影響夫妻間的相處，相處時間少了，話題都多集中在孩子的事情上，漸漸會影響彼此的親密關係；故此，初為父母者，亦需要在三人世界中，尋找空間和時間維繫彼此的親密關係。因此，一些有質數的約會是必須的，但各人亦需要因應各家庭的情況作出安排，若果有人協助照顧孩子，共識的約見安排，除可讓彼此維繫親密關係，亦可藉此舒緩當中的壓力；若無法找人協助，亦可互相合作準備，趁孩子的休息時間，製作一個有心思、有質素的二人世界。 |
||||
 返回頁頂 |
||||
| 返回頁頂 |
||||
|
||||
網頁比例
訂閱頻道
活水福傳新呈獻