 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
|
||||
 |
||||
婚外情的問題越來越嚴重，不時在新聞都會聽到一些因婚外情處理不當而產生的家庭慘劇。不少人會覺得：「婚外情?好普遍啦！」有時亦會令人對婚外情產生謬誤，例如覺得婚姻關係不好，有婚外情都很自然，等等…… 以下一段對話， 可能大家都會覺得似曾相識，看看會不會令自己對婚外情， 甚至對婚姻有一些反思。 Ellen：Jacky，你好耐都無同你老婆出嚟喇，佢好忙咩？ Jacky：唔係呀…… Suki：下……你同 Ava嚟真㗎 Ellen：咩Ava呀！Suki，你一早知道？做咩你唔阻止佢？ Suki ：點阻止呀？感情嚟到擋都擋唔住，況且佢同呀May 一向感情都唔好，佢次次出嚟都黑面，其實自從佢呀囡出世後，佢地兩個都愁眉苦臉，你都見到架。而Ava 真係喺工作上幫咗Jacky 好多……況且無咗感情，無咗愛情，仲點繼續落去，你好難同一個唔愛嘅人一世……根本就唔關Ava 事，大家關係好，插針都插唔入啦！ Ellen：唔知仲以為你同嗰個Ava 好熟，幫住佢，佢明知人地有家庭，重要申個頭入嚟，衰人！兩個人，夾咗十幾年，又會突然唔夾嘅。最可憐係個細路…… Jacky：我真係好煩……我知你哋好想幫我，依家我自己都好亂，我唔知可以點做…我同呀May 嘅問題決唔到，Ava又真係為我付出咗好多， 佢冇要求過D咩，依家仲要俾佢屋企人話， 我唔可以負佢，我男人嚟架…… Suki：阿輝！你坐咗咁耐都冇出過聲， 你一向喺我地當中，最有洞見， 你出下聲啦！ 阿輝：其實婚外情係一個好複雜的問題，不是單純因果的問題， 兩個人有困難，不一定等於會有婚外情。個人對婚姻的觀念，對婚姻的期望，自我對情感需要的了解，對自我成長及價值觀了解，也會影響到我哋點樣處理婚姻的困難。其實婚外情係婚姻出現問題的警號，照情理，就應該去處理婚姻的困難，婚外情唔係一個解決婚姻問題嘅方法。Jacky，你說你要做個有責任的男人，我支持你！ 不過你不能對Ava有責任，對太太就無責任喎，咁你就雙重標準啦。其實你哋話婚姻係咪就等於愛情吖？ Jacky：咁梗係啦， 無咗愛情仲點會係婚姻呢？ 阿輝：如果咁樣諗，無咗愛情當然就要離婚啦，其實婚姻係多於愛情，還有一份情義同責任。你哋有邊個結婚嘅時候諗住會離婚吖？ Ellen：傻嘅咩，梗係諗住一世架啦！ Suki：哈哈！依個問題都好複雜，Jacky，不如你去搵個輔導員傾下吖，處理咗同呀May 啲關係先啦，我哋都唔講咁多啦，費事越講你越亂，總之我哋撐住你架 Jacky：好啦，聽你地講，傾下都好嘅，我都唔想自己後悔一世！ 很多人在婚姻有很多失望，是因為對另一半有太多期望，希望對方滿足自己的需要和期望，這個滿足不到，當然希望尋覓另一個，不過這樣就不是對一個人一生一世的承擔，同對人的尊重，人就只是一件物件，用來比較和滿足自己，缺少一份愛裡面的包容，和尊重彼此的不同。其實天長地久，一生一世都是每一個人的共通願望， 只是去實踐這個願望當中是要有著意志，堅持以及做對的決定。 |
||||
 返回頁頂 |
||||
| 返回頁頂 |
||||
|
||||
網頁比例
訂閱頻道
活水福傳新呈獻